М А З М У Н У
№ п/п	Токтом №	Токтом датасы	Кыска мазмуну
1.	№VII-1	19.04.2022	Найман айыл өкмөтүнүн Кыргыз Республикасынын Президентинин №54 Жарлыгын аткарууга алуу максатында иштелип чыккан "үй-бүлөлүк салтанаттарды жана маркумду эскерүү үрп- адаттарын тартипке келтирүү боюнча чаралар жөнүндөгү" иштелип чыккан ЖОБОну бекитүү жөнүндө
2.	№ VII-2	19.04.2022	Найман айыл өкмөтүнүн Кыргызстан көчөсүнүн тургуну Маматаипов Нурлан Олжобаевичке жашап жаткан турак жайын жеке менчигине мыйзамдаштырып берүү жөнүндө
3.	№ VII-3	19.04.2022	Найман айыл өкмөтүнүн Ленин көчөсүнүн 4-переулогунун тургуну Карабаева Инаят Кочкоровнага жашап жаткан турак жайын жеке менчигине мыйзамдаштырып берүү жөнүндө

1
Найман айылдык Кенешинин VII чакырылышынын кезектеги VII сессиясы
Т О К Т О М
Найман айылы		№VII-1	19.04.2022
			Найман айыл өкмөтүнүн Кыргыз Республикасынын Президентинин №54 Жарлыгын аткарууга алуу максатында иштелип чыккан "үй-бүлөлүк салтанаттарды жана маркумду эскерүү үрп- адаттарын тартипке келтирүү боюнча чаралар жөнүндөгү" иштелип чыккан ЖОБОну бекитүү жөнүндө
Найман айыл өкмөтүнүн Кыргыз Республикасынын Президентинин №54 Жарлыгын аткарууга алуу максатында иштелип чыккан "үй-бүлөлүк салтанаттарды жана маркумду эскерүү үрп -адаттарын тартипке келтирүү боюнча чаралар жөнүндөгү" иштелип чыккан ЖОБО менен таанышып,талкуулап Найман айылдык Кенеши
	ТОКТОМ КЫЛАТ:
1. Найман айыл өкмөтүнүн Кыргыз Республикасынын Президентинин №54 Жарлыгын аткарууга алуу максатында иштелип чыккан "үй-бүлөлүк салтанаттарды жана маркумду эскерүү үрп -адаттарын тартипке келтирүү боюнча чаралар жөнүндөгү" иштелип чыккан ЖОБО бекитилсин. 2. ЖОБО до каралган бардык шарттар аткарылсын жана аткарылышын көзөмөлдөө,ишке ашыруу Найман айыл өкмөтүнүн башчысына жана социалдык маселелер боюнча башкы адисине милдеттендирилсин. 3. Бул токтомдун аткарылышын көзөмөлдөө жагы Найман айылдык кенешинин бюджет,социалдык маданий иштер боюнча туруктуу комиссиясынын төрайымы Ш.Сапаровага жүктөлсүн.
Найман айылдык Кенешинин төрагасы			А.Сатар уулу
			Назад

Найман айылдык кеңешинин

кезектеги VII чакырылышынын VI сессиясынын

№ VI -6 токтомуна тиркеме

Кыргыз Республикасындагы үй-бүлөлүк салтанаттарды жана маркумду эскерүү үрп-адаттарды тартипке келтирүү боюнча жобо

СҮННӨТ ТОЙ

1. Сүнөт тойдо бир тугандары сарпай берүү, себет тартуу, коно берүү, балуу белектерди алып келүү токтотулсун, себет берилбесин.
2. Коно токтотулсун.
3. Сүннөт тойдогу союлган жандыктар саны бирден ашпасын, катымына катышкан аксакалдарга пакет таркатылбасын.
4. Тойлордо аялдар дасторкон көтөрбөсүн, нан албасын жөн гана дасторконго коюлган шириндиктерден даам татып кетишсин.
5. Той ээлерине жолук салып калпак кийгизүү үрп адаттар токтотулсун.
6. Сүннөт той болуп жаткан баланын класташтары чакырылбасын.
7. Тойдо спирттик ичимдиктери коюлбасын.

ҮЙЛӨНҮҮ ТОЙ

1. Үйлөнүү тойдо Закска бир женил автоунаа жана 20 орундуу спринтер менен чыгышсын, кафеге чакырылгандардын саны 150-200 адамдан ашпасын.
2. Кызга берилген калын 150 000 сом, пахта 100кг, союш 3төн ашпасын.
3. Күйөө балдарды авто унаадан түшүрүү салты болбосун.
4. Кызга берилүүчү сеп кыскартылсын(10 тошок,падушкасы менен жакөндөз 3 жуп).
5. Той менен ЗАГСсы бир күндө өткөрүлсүн.
6. Бата той, кыз узатуу, күйөө чакыруу, төшөк жыйуу токтотулсун.
7. Өкүл ата, өкүл эне шакек берүү токтотулсун,никеге өзүнүн туугандары гана күбө катары катышат.
8. Келин бала орустун көйнөгүн кийбей эле кыргыздын арламентүү көйнөгү менен менен ЗАГСка чыксын.

БЕШИК БЕРҮҮ

1. Бешик берүүдө жаны төрөлгөн биринчи гана баласына берилсин, ата-энеси эле бир женил автоунаа менен барышсын, кошумча туган уруктары барууга тыюу салынсын.

АЖЫ ТОЙ

1. Ажы той ар ким алына жараша өткөрсүн.

АШ БЕРҮҮ

1. Аш берүү жок, токтотулсун.

ЮБИЛЕЙЛЕР

1. Ар кандай 10,20,30 ж.б юбилейлер токтотулсун.
2. Студенттер тарабынан өткөрүлүүчү шеринелер токтотулсун.
3. 25-май акыркы конгуроо майрамдык салтанаты мектептен чектелсин.
4. Ар кандай жакшылык жамандыктарда аялдар материал көтөрүүнү токтотушсун,анын ордуна акча беришсин.

МАРКУМ УЗАТУУ

1. Өлгөн адамга үч күн аза тутулсун, тажыясы болгон күнү эч нерсе союлбасын, узак жактан келген меймандарга конушулар карасын.
2. Аялдар арысында материалдар таркатылбасын жана бата кылып эле кайтышсын.
3. Аялдар маркум чыккандан кийин барышсын.
4. Маркумдун биринчи бейшембилиги гана өткөрүлөт, 40кы 52сын белгилөөгө тыюу салынсын же ихсан кылып тар чөйрөдө өткөрүлсүн.
5. Жылдык токтотулсун.
6. Жыл ичиндеги айттыктарда айтык өткөрүүгө тыюу салынсын.(тар чөйрөдө)
7. Маркум өткөн үй-бүлөдө 3 күн, күйөөсү өтсө аялга 4ай аза күтүлөт, көк кийүү ак кийүүгө тыюу салынсын.
8. Маркумга аталган эч кандай кудайылар өткөрүлбөсүн.

ОТУРУШТАР

1. Авысынын, бөлөсүнүн, ж.б ушундай отуруштарга тыюу салынсын.

Найман айыл өкмөтүнүн башчысы: Р.Шамаева

2
Найман айылдык Кенешинин VII чакырылышынын кезектеги VII сессиясы
Т О К Т О М
Найман айылы		№ VII-2	19.04.2022
			Найман айыл өкмөтүнүн Кыргызстан көчөсүнүн тургуну Маматаипов Нурлан Олжобаевичке жашап жаткан турак жайын жеке менчигине мыйзамдаштырып берүү жөнүндө
Найман айыл өкмөтүнүн Найман айылынын тургуну Маматаипов Нурлан Олжобаевич жашап турган жайын жана ага тиешелүү жер аянтын жеке менчигине бекитип берүү боюнча арызын карап чыгып, Кыргыз Республикасынын Жер кодексинин 29-44-беренесине таянып,Найман айылдык Кенеши
	ТОКТОМ КЫЛАТ:
Найман айыл өкмөтүнүн Найман айылынын Кыргызстан көчөсүнүн тургуну Маматаипов Нурлан Олжобаевичтин арызы канааттандырылсын. Найман айыл өкмөтүнүн Найман айылынын Кыргызстан көчөсүнүн тургуну Маматаипов Нурлан Олжобаевичке Найман айылындагы Кыргызстан көчөсүндө жашап жаткан 0,06 га турак жайы жана жер аянтында жашагандыгы боюнча мамлекеттик архивдик маалыматтардын негизинде жеке менчигине мыйзамдаштырылып берилсин. Жер аянтын мыйзамдаштырып берүү жагы Найман айыл өкмөтүнүн башчысы Р.Шамаевага милдеттендирилсин. Каралган жерди документтештирип ,каттап берүү жагы Ноокат райондук “Кадастр”мамлекеттик мекемесинен суралсын. Токтомдун аткарылышын көзөмөлдөө жагы Найман айылдык Кенешинин жер боюнча туруктуу комиссиясына тапшырылсын.
Найман айылдык Кенешинин төрагасы			А.Сатар уулу
			Назад

3
Найман айылдык Кенешинин VII чакырылышынын кезектеги VII сессиясы
Т О К Т О М
Найман айылы		№ VII-3	19.04.2022
			Найман айыл өкмөтүнүн Ленин көчөсүнүн 4-переулогунун тургуну Карабаева Инаят Кочкоровнага жашап жаткан турак жайын жеке менчигине мыйзамдаштырып берүү жөнүндө
Найман айыл өкмөтүнүн Найман айылынын тургуну Карабаева Инаят Кочкоровнага жашап турган үй жайын жана ага тиешелүү жер аянтын жеке менчигине бекитип берүү боюнча арызын карап чыгып, Кыргыз Республикасынын Жер кодексинин 29-44-беренесине таянып,Найман айылдык Кенеши
	ТОКТОМ КЫЛАТ:
Найман айыл өкмөтүнүн Найман айылынын Ленин көчөсүнүн 4-переулогунун тургуну Карабаева Инаят Кочкоровнанын арызы канааттандырылсын. Найман айыл өкмөтүнүн Найман айылынын Ленин көчөсүнүн 4-переулогунун тургуну Карабаева Инаят Кочкоровнага Найман айылындагы Ленин көчөсүнүн 4-переулогунун жашап жаткан 0,04га турак жайы жана жер аянтында жашагандыгы боюнча мамлекеттик архивдик маалыматтардын негизинде жеке менчигине мыйзамдаштырылып берилсин. Жерди мыйзамдаштырып берүү жагы Найман айыл өкмөтүнүн башчысы Р.Шамаевага милдеттендирилсин. Каралган жерди документтештирип ,каттап берүү жагы Ноокат райондук “Кадастр”мамлекеттик мекемесинен суралсын. Токтомдун аткарылышын көзөмөлдөө жагы Найман айылдык Кенешинин жер боюнча туруктуу комиссиясына тапшырылсын.
Найман айылдык Кенешинин төрагасы			А.Сатар уулу
			Назад