Ноокат районунда 58171 окуучу билим алууда
Ноокат району боюнча 2021-жылдын январь айында 55876 окуучу мектепке
тартылган болсо, даярдоо класстарында 3843 окуучу мектепте, 2520 бала балдар
бакчаларындагы даярдоо тайпаларында билим алышкан болсо 2021-жылдын 1-
сентябрына карата мектептердин саны 120 га жетип окуучулардын саны 58171 окуучу
болду. Район боюнча 100 мектепке чейинки билим берүү мекемесинде 9465 бала
мектепке чейинки билим берүү мекемесинде тарбияланууга тартылган.
Санарип кыргызстан- 2019-2023
“Санарип Кыргызстан -2019-2023” концециясынын, “Санариптик трансформациялоо”
программасын жүзөгө ашыруу максатында район боюнча 117 мектептерде, 51 бала
бакчада интернет байланышы уланган. Мектепке тартылган интернет байланышы Кыргыз
Республикасынын Билим берүү жана илим министрлигинин каржылоосу менен 114
мектеп Кыргыз Телеком аркылуу уланган. Бул өз учурунда мугалимдердин билим берүү
жаатындагы жаңылыктар менен учурунда таанышып, аны өздөштүрүүсүнө, билим берүү
мекемелеринин жогорку инстанциялардан келген кат жана башка тапшырмаларды ыкчам
жүргүзүү мүмкүнчүлүгү жаратылды.
Район аймагындагы билим берүү мекемелеринде кеңири тилкелүү интернетти
камсыз кылуу, анын жыйынтыгында мектеп жана балдар бакчаларын маалыматтарды
берүүчү глобалдык тармактарга натыйжалуу, ишенимдүү кошуу иштери максаттуу
жүргүзүлүүдө.
Санарип кыргызстан- Санарип мектеп-Санариптик билим берүү
Райондун аймагындагы 54 мектепте «Электрондук журнал»,” Электрондук
күндөлүк”, ”Электрондук почта кызматы” ж.б электрондук программалар менен иш алып
барышууда. Балдар кард окутуу системасы боюнча мектепке кире бериште өздөрүнө
таандык картасы менен киришет.
Бүгүнкү күндө каржылоонун түрдүү булактарынан 98 мектепке 162 даана, 19 бала
бакчага 19 даана интерактивдүү доскалар алынды.
Ал эми райондун аймагындагы 47 мектепте «Электрондук китепкана» аркылуу
балдардын китеп менен камсыз болуусун жакшыртуунун аракети көрүлдү.
“Акылдуу мектеп” программасын ишке ашыруу үчүн 36 мектеп “Айбилим”, 53
мектеп “Билим булагы” электрондук порталдары аркылуу окуучуларга мугалимдер
электрондук материалдар менен сабак өтүүдө. Мындан сырткары мугалимдер өздөрү
тарабынан даярдалган сабактарын жүктөп башкаларга тажрыйба катары жайылтып жатат.
Коомчулукка билим берүүнүн жетишкендиктери менен тааныштырууда
медиа сабаттуулуктун ролу
Мектептерде маалыматтык системаларды жандандыруу боюнча коомчулукка
билим берүү тармагындагы маалыматтарды жеткирүү үчүн мектептин жеке сайттарын
ачуу колго алынып, жыйынтыгында 18 мектептин жеке сайттары, 31 мектептин медиа
бурчтары уюштурулду.
Ноокат районунун мугалимдерине үстүбүздөгү жылдын 2-декабрында "Мектептик
медиа бурчтарды уюштуруунун заманбап усулдары" аталышында семинар өткөрдү.
Маалыматка караганда семинар Ноокат райондук билим берүү бөлүмүндө болуп, ага 70
ден ашуун мектептин медиа топторунун өкүлдөрү катышты. Семинардын жүрүшүндө Ош
Билим берүү институтунун директорунун орун басары, "МедиаСабак" долбоорунун
түштүк региону бобнча координатору Тынчтыкбек Досмуратов Мектептерде Медиа эмне
үчүн керек, Мектептердин медиа баракчасынын мектеп, ата-эне, коомчулук үчүн
пайдасы, Медиа баракчаны иштетүү үчүн алгачкы кадамдар, Дүйнөлүк медиа менен
биздин медианын окшоштугу, айырмасы, Медиа баракчаны өнүктүрүүдөгү мугалимдин
аракетинин негизги багыттары боюнча доклад жасап, ал практикалык тажрыйбалар менен
коштолду.
Жылдын сентябрь айында мектептердин 76 информатика мугалимдерине ПИТОН
программалоо тили боюнча, 83 англис тили мугалимдерине TESOL программаларын
окутууда пайдалануу, 61 китепканачылардын компьютердик сабаттуулугун жогорулатуу
багытында усулдук окуулар болуп, мугалимдердин билимин жогорулатуу аракеттери
көрүлдү.
Жылдын мыкты мектеби, жылдын мыкты мугалими
2021-жылдын февраль айында “Жылдын мыкты мугалими-2021” кароо сынагынын
аймактык туру болуп, анда жалпысынан 79 мугалим катышып, алардын ичинен 15
мугалим райондук турга жолдомо алды. Ал эми 2021-жылдын 11-13-март күндөрү
сынактын райондук туру болуп, анын жыйынтыгында Н. Крупская атындагы орто
мектебинин англис тили мугалими Аскарова Зарина 1-орунду алып, облустук турга
жолдомо алган болсо, М. Улугбек атындагы орто мектебинин англис тили мугалими
Хакимов Даниёрбек 2-орунга, Кызыл-Тейит орто мектебинин кыргыз тили жана адабияты
мугалими Ирисбаева Аида 3-орунга ээ болду.
Алтын сертификат жана Алтын тамга - сапаттуу билим берүүнүн натыйжасы.
2020-2021-окуу жылында Ноокат районунун аймагынан жалпысынан 2800
бүтүрүүчүнүн ичинен 1448 окуучу Жалпы Республикалык тестирлөөгө катышты. Босого
2020-2021-окуу жылында өткөрүлгөн Жалпы Республикалык тестирлөөнүн
жыйынтыгында Ноокат билимканасы жатак лицейинин бүтүрүүчүсү Нурмаматова
Нурбүбү жалпысынан 226 упайды камсыздап “Алтын сертификаттын” ээси болду.
Ал эми 2020-2021-окуу жылындагы 11-класс бүтүрүүчүлөрүнүн арасынан 22
бүтүрүүчү “Алтын Тамга” артыкчылык аттестатына ээ болушту. “Алтын Тамга”
артыкчылык аттестатына “Ноокат билимканасы” жатак-лицейинен 15 окуучу, Абдижалал
Парпиев атындагы гимназиясынан 3 бүтүрүүчү, “Борко” лицейинен 1 бүтүрүүчү,
Келдибек Каримов атындагы орто мектебинен 1 бүтүрүүчү жана инновациялык “Көк-
Жар” гимназия билим берүү комплексинен 2 бүтүрүүчү ээ болду.
Бир адамдан бир китеп – коомду китеп окууга кызыктыруунун негизги булагы
26-ноябрда Ноокат районундагы мектеп мугалимдери, окуучулары жана мектеп
китепканачылары үчүн “Өзгөрүүнү өзүңдөн башта” аталышта методикалык семинар
болуп өттү. "Бир адамдан бир китеп" долбоорунун демилгеси менен уюштурулган бул иш
чара А. Парпиев атындагы гимназиянан башталып, анда билим берүү мекемесинин буга
чейинки иш –чараларынын жыйынтыгы менен тааныштырылды. , Андан соң Ноокат
райондук билим берүү бөлүмүндө Китепканачылар менен улантылып, анда методикалык
көрсөтмөлөр берилди. Семинарга Бир адамдан бир китеп долбоорунун жетекчиси Эрлан
Смайыл уулу жана долбоордун Ноокат районундагы координатору Мустапакул уулу
Нурбек баштаган долбоордун өкүлдөрү катышып, анда долбоордун район аймагындагы
жетишкен ийгиликтер, балдар арасындагы китеп окууга болгон кызуулар, алдыдагы
максаттар тууралуу пикир алмашты.
“Менин мекеним Кыргызстан”
2021-жылдын 18-декабрында Ноокат районунда “Менин мекеним Кыргызстан”
аталышында облустук сынак болуп өттү. Анда Ноокат районундагы К. Бобулов атындагы
Баргы, Ноокат райондук көркөм сүрөт мектебинде, Н. Крупская атындагы орто
мектебинде, Ноокат билимканасы жата-лицейинде, М. Гапаров атындагы жөндөмдүу
балдардын жатак-гимназиясында болуп, ал Кыргыз Республикасынын Президенти Садыр
Жапаров тарабынан жарыяланган “Инсандын руханий-адеп-ахлактык өнүгүүсү жана дене
тарбиясы жөнүндө” Жарлыгын ишке ашыруу жана Кыргыз Республикасынын
Президентинин Ош облусундагы ыйгарым укуктуу өкүлү З. Жамалдиновдун буйругунун
негизинде уюштурулуп, ал Ноокат районунун аймагындагы билим берүү мекемелеринде
окуучуларга инсандык –руханий билимин өнүктүрүү, ата-мекенге болгон патриоттук
тарбия жана кыргыз элинин улуттук маданиятын билим берүүнүн азыркы усулдары менен
интеграциялоонун натыйжаларын облус аймагында жайылтуу максатында уюштурулду.
Семинарга Президенттин Ош облусундагы ыйгарым укуктуу өкүлүнүн орун
басары Жаныкулов Данияр баштаган Ош облусундагы райондук администрациялардын
башчыларынын орун басарлары, Ош облустук билим берүү институтунун директору Г.
Мамаева баштаган облустагы райондордун райондук билим берүү бөлүмдөрүнүн,
райондук балдардын чыгармачыл борборлорунун башчылары катышты.
