М А З М У Н У
№ п/п	Токтом №	Токтом датасы	Кыска мазмуну
1.	1	25.10.2016	Мирмахмудов айыл өкмөтүнүн АРИСтин АИД-3 долборунун алкагында айыл аймактагы көйгөйлөрдү иреттештирүү боюнча түзүлгөн комиссиянын №1 протоколунун чечимин бекитүү жөнүндө
2.	2	25.10.2016	Мирмахмудов айыл аймагынын Чапаев айылында жайгашкан жаңы курулуп бүтүрүлгөн "Келечек үмүттөрү" мектепке чейинки билим берүү уюму- мекемеси ишке түшүрүлүп ачылсуусу жөнүндө
3.	3	25.10.2016	А.Мирмахмудов айыл аймагынын Арал айылын "Чычкан-короо" жана "Чопон-ата" массивдеринде жайгашкан сугат айдоо жерлеринин эсебине кирген бирок суу жеткирүү тизиминин эффективдуулугу төмөн болгондуктан аталган жерлерди сугат айдоо түрүнөн, кайрак айдоо түрүнө которуу жөнүндө
4.	4	25.10.2016	Мирмахмудов айыл аймагынын Чапаев айылынын "Коргошун-тала" бөлүмүндө жайгашкан муниципалдык жерде ФАП имаратын куруу жөнүндө

1
Мирмахмудов кенешинин кезексиз V чакырылышынын XXXII сессиясы
Т О К Т О М
Чапаев айылы		1	25.10.2016
			Мирмахмудов айыл өкмөтүнүн АРИСтин АИД-3 долборунун алкагында айыл аймактагы көйгөйлөрдү иреттештирүү боюнча түзүлгөн комиссиянын №1 протоколунун чечимин бекитүү жөнүндө
Мирмахмудов айыл аймагынын башчысы тарабынан чыгарылган буйруктун негизинде түзүлгөн комиссия айыл аймагынын айылдарында элдин катышуусунда аныкталган жана иреттештирилген көйгөйлүү маселелерин айыл аймак денгелинде жалпылоо жана негизги көйгөйдү аныктоо максатында өзүнүн отурумун өткөрдү.Отурумда бардык айылдардан келген көйгөйлөр кылдаттык менен үйрөнүп чыгылып айыл аймактагы бардыгына тиешелүү жана айыл өкмөтүнүн стратегиялык планына даал келүүчү маселелерди чечүү зарылдыгын карап чыгышты. Отурум катышучулары айылдардан келген көйгөйлөрдү маанисине карап төмөнкүдөй иреттештирип жана талкуулап кезексиз сессия
	ТОКТОМ КЫЛАТ:
1. Мирмахмудов айыл өкмөтүнүн АРИСтин АИД-3 долборунун алкагында айыл аймактагы көйгөйлөрдү иреттештирүү боюнча түзүлгөн комиссиянын №1 протоколунун чечими бекитилсин (протокол тиркелет ) 2. Жогорудагы протоколдун чечимин аткарылышын көзөмөлдөө айыл өкмөтүнү башчысына тапшырылсын. 3. Токтом мыйзам негизинде аткарууга алынсын. 4. Токтомдун аткарылышын көзөмөлдөө жагы Мирмахмудов айылдык кеңешинин тиешелүү туруктуу комиссиясына тапшырылсын
Мирмахмудов кенешинин төрагасы			Н.Халбуваев
			Назад

АРИС уюму тарабынан ишке ашырылып жаткан Айылды Инвестициялоо – 3 долбоорунун алкагында А Мирмахмудов атындагы айыл өкмөтү тарабынан түзүлгөн комиссиянын

№1 – протоколу

Чапаев айылы. 24.10.2016 – жыл.

Комиссиянын отурумуна 11 комиссия курамы толугу менен катышты.

Отурумда каралган маселе:

Айыл аймагынын айылдарынан тандалып келинген койгойлуу маселелерди айыл аймак денгээлинде иреттештирүү жана башкы койгойлорду ажыратуу.

Чогулушту комиссиянын төрагасы Саидбаев Юсупжан алып барды.

Күн тартибиндеги маселе боюнча АРИС уюму менен түздөн – түз иш алып бара жаткан айыл өкмөтүнүн өзгөчө кырдаалдар боюнча адиси Дадабаев Халимжан комиссия мүчөлөрүнө маалымат берди.

Дадабаев берген маалыматка жараша, 2016 – жылдын 11 – октябрынан 17 – октябрына чейинки аралыкта айыл аймагынын алты айылында эл менен чогулуш өткөрүлдү. Чогулуштарда элдер атайын фокус – топторго бөлүнүшүп, айылдагы койгойлуу маселелерди аныкташты жана аларды маанисине карап иреттештирип берди (комиссия мүчөлөрү айылдардан келген чогулуш протоколдору менен таанышты).

Жалпысынан алганда бардык айылдардагы койгойлор бири – бирине окшош. Бардык жерлерде билим берүү атрмагын жакшыртуу, элди ичимдик жана сугат суусу менен камсыздоо, жолдордун абалын жакшыртуу, жаңы конуштарга күнүмдүк керектелүүчү зарылчылык (эл.энергиясы, суу, жолдордун абалы жана о.с.) тар менен камсыздоо маселелери бөлүп саналат.

Комиссия мүчөлөрү айылдардан келген койгойлор менен таанышкандан соң, айыл аймак боюнча койгойлуу маселелрди иреттештирүү боюнча маселе карала баштады.

Бул маселе каралардан иурда, отурумга төрагалык кылып жаткан Саидбаев Юсупжан комиссия мүчөлөрүнө койгойлорду тандоодо бир катар жагдайларды эске алууну сунуштады. Булар:

1. Тандалган койгой айыл аймактын калкынын копчулук бөлүгүнө пайдасы тийиши зарыл;

2. Чечилүүсү каралган маселе элдин турмуш – тиричилигин жогорулатууга түздөн – түз, жее болбосо кайыр түрдө таасирин тийгизе турган болушу керек;

3. Тандалган маселе айыл өкмөтүнүн стратегиялык планына киргизилген болушу керек.

Урматтуу комиссия мүчөлөрү.

Ооба, бардыгыбыз айылыбызда бир маселе чечилип калса деп арекет кылабыз. Бирок, койгойду тандоодо өз ара келишпестик менен ар бирибиз өзүбүз жака тартыптурсак, биринчиден маселе чечилбейт. Экинчиден, донордук уюм дагы бизди тандоодо кичине ойлонуп калаша ыктымал. Себеби, алар ынтымакта болгон жерде, эл уюшкан айыл аймактарда иштешет. Ошондуктан, койгойлорду тандоодо жогорудагы жагдайларды эсепке алууңарды суранып кетер элем.

Комиссия мүчөлөрү айылдардан келген чогулуш протоколдору менен тааншып чыккандан соң, комиссия мүчөсү Мирзакаримов Анварали сөзгө чыгып, төмөнкүлөрдү айтты.

Урматтуу комиссия мүчөлөрү. Баарыңар айылдардан келген протоколдор менен таанышып чыктыңар. Чогулуш катышуучулары айылдардагы койгойлорду айыл өкмөтүнүн планына киргизилген маселелер менен дал келтиргендей болуптур. Копчулук жерлерде билим берүү тармагын жакшыртуу, сугат жана таза суу менен камсыздоо, жолдорду оңдоо, ФАП куруу жана жаш балдардын коопсуздугун камсыздоо боюнча маселелерди чечүү боюнча койгойлорду тандашыптыр. Айыл өкмөтү дагы өзүнүн негизги ишин ошол тамактарга каратып жаткандыгы эч кимге жашыруун эмесү ошондуктан, айылдардан келген протокол чогулуштарынын жыйынтыктарына таянып, мен айыл аймак боюнча койгойлорду төмөнкү тартипте иреттештирүүнү сунуштаймын:

1. Билим берүү тармагын жакшыртуу (мектептер жана балдар бакчаларын куруу);

2. Сугат сууга болгон муктаждыкты азайтуу (сугат алыштарын ремонттоо, дамбалар куруу, ирригациялык тармак жаратуу);

3. Айылдардагы ички жолдорго асфальт тошоо;

4. Айылдардагы жаңы конуштарга КТП орнотуу жана ЛЭП тартуу;

5. ФАП куруу жана бар болгон ФАП тарды капиталдык ремонттоо;

6. Айыл аймакты таза суу менен камсыздоо;

7. Чоң жолдорго светофор өрнөтүү жана жол белгилерин коюу;

8. Айылдарга ден соолукту чыңдоо комплекстерин куруу.

Сөзгө комиссия мүчөсү Эсенкулов Аптукалык чыгып, Мирзакаримов Анваралинын пикирлерине кошулам, деди. Бир гана биздин айылды мисалында алып корсок, эгерде бизге жаңы мектеп курулса, эски мектептин бир бөлүгүн балдар бакчасы кылып, бир бөлүгүн болсо китеп кана кылып пайдаланса болот. Мектеп менен бирге спорт зал да курулуат. Бул дегени, бир мектеп курулушу менен айылдагы үч – төрт маселе чечилип калат. Андан сырткаары, айыл аймакты карап чыксак, эки – үч гана типтүү мектеп бар. Калгандары баары типтүү эмес, эл ашар жолу менен куруп алган мектептер. Ал жерде спортзал, конференц зал, китеп кана сыяктуу кошумча кызмат корсотуу бөлүктары жок. Копчулук мектептерибиз заман талабына жооп бербейт. Балдар бакчалары болсо, эң чоң койгойлорубуздан бөлүп келүүдө. Ошого байланыштуу, мен Анваржон айткан сунушту колдоймун.

Сөзгө чыккан комиссия мүчөлөрүнөн Каримова Паридв, Маикеримов Өмүрбек жана Тораев Абдурахимдер дагы Мирзакаримовтун сунушун колдошоорун билдиришти.

Чогулуш катышуучуларынын сунуш – пикирлеринин жана айылдардан келген чогулуш протоколдорунун негизинде отурум төмөнкүдөй чечимге келди:

Ч Е Ч И М

1. А. Мирмахмудов атындагы айыл аймагы боюнча айылдардан тандалып келинген койгойлор төмөнкү тартипте иреттештирилсин:

· Билим берүү тармагын жакшыртуу (мектептер жана балдар бакчаларын куруу);

· Сугат сууга болгон муктаждыкты азайтуу (сугат алыштарын ремонттоо, дамбалар куруу, ирригациялык тармак жаратуу);

· Айылдардагы ички жолдорго асфальт тошоо;

· Айылдардагы жаңы конуштарга КТП орнотуу жана ЛЭП тартуу;

· ФАП куруу жана бар болгон ФАП тарды капиталдык ремонттоо;

· Айыл аймакты таза суу менен камсыздоо;

· Чоң жолдорго светофор өрнөтүү жана жол белгилерин коюу;

· Айылдарга ден соолукту чыңдоо комплекстерин куруу.

2. Ошол чогулуштун чечимин бекитип берүүнү А. Мирмахмудов атындагы айыл аймагынын депутаттарынын кеңешинен суралсын;

3. Чечимдин аткарылышын камсыздоо комиссиянын мүчөсү Х. Дадабаевке тапшырылсын.

Чогулуштун төрагасы: Ю. Саидбаев.

Чогулуштун катчысы: Х. Дадабаев.

2
Мирмахмудов кенешинин кезексиз V чакырылышынын XXXII сессиясы
Т О К Т О М
Чапаев айылы		2	25.10.2016
			Мирмахмудов айыл аймагынын Чапаев айылында жайгашкан жаңы курулуп бүтүрүлгөн "Келечек үмүттөрү" мектепке чейинки билим берүү уюму- мекемеси ишке түшүрүлүп ачылсуусу жөнүндө
Мирмахмудов айыл аймагынын Чапаев айылында жайгашкан жаңы ПРООН проекти жана элдин ашар жолу менен курулуп бүтүрүлгөн "Келечек үмүттөрү" мектепке чейинки билим берүү уюму- мекемеси ишке түшүрүлүп ачылсуусу жөнүнүндө айылдык кеңешинин кезексиз сесстясы
	ТОКТОМ КЫЛАТ:
1. Мирмахмудов айыл аймагынын Чапаев айылында жайгашкан жаңы курулуп бүтүрүлгөн "Келечек үмүттөрү" мектепке чейинки билим берүү уюму- мекемеси ишке түшүрүлүп ачылсын. 2. Токтомдун аткарылышы айыл өкмөтүнүн башчысы жана Чапаев айылынын айыл башчысы М.Исаковторго тапшырылсын. 3. Токтом мыйзам негизинде аткарууга алынсын. 4. Токтомдун аткарылышын көзөмөлдөө жагы Мирмахмудов айылдык кеңешинин тиешелүү туруктуу комиссиясына тапшырылсын.
Мирмахмудов кенешинин төрагасы			Н.Халбуваев
			Назад

3
Мирмахмудов кенешинин кезексиз V чакырылышынын XXXII сессиясы
Т О К Т О М
Чапаев айылы		3	25.10.2016
			А.Мирмахмудов айыл аймагынын Арал айылын "Чычкан-короо" жана "Чопон-ата" массивдеринде жайгашкан сугат айдоо жерлеринин эсебине кирген бирок суу жеткирүү тизиминин эффективдуулугу төмөн болгондуктан аталган жерлерди сугат айдоо түрүнөн, кайрак айдоо түрүнө которуу жөнүндө
Мирмахмудов айыл аймагынын айыл чарба жерлеринин эффективдуулугун арттыруу жана жер фондунун пайдалануунун максаттуулугун камсыз кулуу максатында Кыргыз Республикасынын "Жергилктүү өз алдынча башкаруу жөнүндөгү" мыйзамынын 3гл. 18-беренесинин 1- бөлүмүнүн №2,15-бөлүмчөлөрүнүн, Мирмахмудов атындагы айылдык Кеңешинин V шайланган депутаттарынын айыл чарба жерге жайгаштыруу, экология, жаратылышты коргоо жана өнөр жай, кайра иштетүү боюнча комиссияссынын жана айыл аймагынын жер фондунун инвентаризациялоо боюнча түзүлгөн комиссиянын 2016- жылдын 24-октябрында өткөрүлгөн кошмо отурумунун № 4протоколунун талаптарына таянып А.Мирмахмудов атындагы айылдык кеңешинин кезексиз сессиясы
	ТОКТОМ КЫЛАТ:
1. Кыргыз Республикасынын "Жергилктүү өз алдынча башкаруу жөнүндөгү" мыйзамынын 3гл. 18-беренесинин 1- бөлүмүнүн №2,15-бөлүмчөлөрүнүн, Мирмахмудов атындагы айылдык Кеңешинин V шайланган депутаттарынын айыл чарба жерге жайгаштыруу, экология, жаратылышты коргоо жана өнөр жай,кайра иштетүү боюнча комиссияссынын жана айыл аймагынын жер фондунун инвентаризациялоо боюнча түзүлгөн комиссиянын 2016- жылдын 24-октябрында өткөрүлгөн кошмо отурумунун № 4протоколунун талаптары аткарууга жана жетекчиликке алынсын. 2. Мирмахмудов айыл аймагынын Арал айылын "Чычкан-короо" массивинде жайгашкан 3,7га жана "Чопон-ата" массивинде 17,6га. жайгашкан сугат айдоо жерлеринин эсебине кирген бирок суу жеткирүү тизими табыгый кырсыктардын кесепетинен жана жайгашкан жеринин шартынан, аталган жерлердин сугат суу менен стабилдуу камсыздоо мумкун болбогондуктан аталган жерлер сугат айдоо түрүнөн кайрак айдоо жерлер түрүнө которулсун. 3. Токтомдун мыйзам негизинде аткарылышы Мирмахмудов атындагы айыл өкмөтүтнүн башчысы Ш.Гафаровго тапшырылсын. 4. Жогорудагы жерлердин мыйзам негизинде сугат айдоо түрүнөн кайрак айдоо түрүнө которууда мыйзам негизинде корутунду берүүсү, жер эсептоо иш кагаздарына өзгөртүүлөр киргизуу жагы "Кыргызмамжердолбоор" мамлекеттик жерге жайгаштыруу ишканасына сунушталсын. 5. Аталган жер аянттарынын жерге жайгаштыруу жана жер эсептоо ишкагаздарына өзгөртүүлөр киргизип каттап берүү жагы Ноокат райондук кадастр жана кыймылсыз мүлккө болго укуктарды каттоо башкармалыгынан суралсын. 6. Ушул токтомдун бекитип берүү жагы Ноокат райондук мамлекеттик админстрациясынан суралсын. 7. Ушул токтомдун аткарылышынын көзөмөлдөө айылдык кеңештин тиешелүү туруктуу комиссиясына тапшырылсын.
Мирмахмудов кенешинин төрагасы			Н.Халбуваев
			Назад

4
Мирмахмудов кенешинин кезексиз V чакырылышынын XXXII сессиясы
Т О К Т О М
Чапаев айылы		4	25.10.2016
			Мирмахмудов айыл аймагынын Чапаев айылынын "Коргошун-тала" бөлүмүндө жайгашкан муниципалдык жерде ФАП имаратын куруу жөнүндө
Мирмахмудов айыл аймагынын элдеринин социалдык маданий турмуш денгелин көтөрүү жана элдин ден-соолугун чындоонун мындан ары жакшыртуу максатында "Когошун-тала" айылында жайгашкан муниципалдык жер болуп эсептелген, спорт аянтчасынын түндүк батыш тарабында бош жаткан жерде,айыл калкыны жергиликтүү бюджеттин эсебинен амбулатордук медициналык тейлоо үчүн фелдьшердик-акушердик пункут куруу зарылчылыгы келип чыгууда. Жогорудагы максатты ишке ашыруу максатында Мирмахмудов айыл аймагынын айыл өкмөтү Кыргыз Республикасынын "Жергиликтүү өзалдынча башкаруу жөнүндөгү" мыйзамынын 3 гл. №18-беренесинин 1-2 ,15 , № 47 беренесинин 8-бөлүмүнүн негизинде А.Мирмахмудов атындагы айылдык кеңешинин кезексиз сессиясы
	ТОКТОМ КЫЛАТ:
1. Мирмахмудов айыл аймагынын Чапаев айылынын "Коргошун-тала" бөлүмүндө жайгашкан муниципалдык жер болуп эсептелген,спорт аянтчасынын түндүк-батыш тарабында жайгашкан, бош жаткан жердин эсебинен, 600ч.м.жер аянты фелдьшердик-акушердик пункут куруу үчүн ажыратып берилсин. 2. Курулушу көздөлгөн ФАП-тын жерге жайгаштыруу боюнча иш-кагаздарын каттап берүү жагы Ноокат райондук жерге жайгаштыруу жана кыймылсыз мулкторго үкүктүү каттоо мекемесинен суралсын. 3. Ноокат райондук архитектура жана шаар куруу башкармалыгынан Когошун-тала бөлүмүндө курулушу көздөлгөн ФАП-тын имаратынын архитектуралык иш-кагаздарын даярдап берүү жагы суралсын. 4. Мирмахмудов айыл өкмөтүнүн ФЭБ бөлүмүнүн башчысы (Ш.Гаффаров) курулушу көздөлүп жаткан ФАП-тын имаратынын иш-кагаздарын даярдоо жана имартты куруу үчүн керек болгон финансалык каражаттарды жергиликтүү бюджеттин эсебинен камсыз кылуу жагы тапшырылсын. 5. Жогорудагы обьекттин жерге жайгаштыруу иш кагаздарын даярдатуу жагы айыл өкмөтүнүн жер адиси (Ю.Сайтбаевке) тапшырылсын. 6. Аталган обьекттин имараты куруп бүтүрүлгөндөн кейин Мирмахмудов айыл өкмөтүнүн муниципалдык менчик реестрине алынсын. 7. Ушул токтомдун аткарылышынын көзөмөлдө жагы айыл өкмөтүнүн башчысынын орунбасары Д.Ажибековго жуктөлсүн. 8. Токтомдун аткарылышы айыл өкмөтүнүн башчысы жана Чапаев айылынын айыл башчысы М.Исаковторго тапшырылсын. 9. Токтом мыйзам негизинде аткарууга алынсын. 10. Токтомдун аткарылышын көзөмөлдөө жагы Мирмахмудов айылдык кеңешинин тиешелүү туруктуу комиссиясына тапшырылсын.
Мирмахмудов кенешинин төрагасы			Н.Халбуваев
			Назад