Кыргыз-Ата айылдык кеңешинин

2021-жылдын  30-октябрдагы

№ 6-1 токтомуна тиркеме

Кыргыз-Ата айыл  өкмөтүнүн  2021-жылдын 9 ай ичиндеги социалдык-экономикалык өнүгүүсү боюнча аткарылган иштери 

  Урматтуу  төрага, урматтуу депутаттар  жана сессиянын катышуучулары !

Республикабызда COVID-19 вирусунун жайылышынан улам пайда болгон кырдаалга байланыштуу экономикалык жана социалдык туруктуулукка келтирилген терс таасирге карабастан биздин  айыл  аймагыбыздагы социалдык жана башка маселелерди чечүүдөгү алдыга койгон  иш-пландарыбыз ишке ашууда. Атап айтканда: 2021-жылдын 9 айлыгында айыл өкмөттүн киреше бөлүгү жалпысы болуп-18819,6 миңсомго бекитилген. Ал эми такталган план 19150,4 миң сом болсо, иш жүзүндө 20274,9 сомго аткарылып 105,9% түздү. Кыргыз-Ата айыл өкмөтү боюнча 2021-жылдын 9 айында жыйналган салыктар боюнча маалымат

№	Салыктын түрү	План	Аткарылганы	Пайызы	Айырмасы
1	Милдеттүү патент	63,8	76,3	119,6	+12,5
2	Ыктыярдуу патент	605,1	582,8	96,3	-22,3
3	Мүлк	1828,8	1729,0	94,6	99,8
4	Транспорт салыгы	1750,0	1631,2	93,2	118,8
5	Жер салыгы	511,8	728,8	142,4	+217,0
6	Айыл чарба эмес жер салыгы	158,4	127,1	80,2	-31,3
7	Таштанды салыгы	340,0	345,5	101,6	+5,5
	Жалпысы	5257,9	5220,7	99,2	-37,2

  Социалдык тармак тууралуу

Билим берүү.

Айыл аймагындагы жалпы билим берүүчү мектептерде 2020-2021-окуу жылында 309 мугалим 3896 окуучуга билим-тарбия беришти. Алардын ичинен 276 окуучу 9-классты, 196 окуучу 11-классты бүтүрүштү. 11-класстын 151 бүтүрүүчүсү Жалпы республикалык тестирлөөгө катышышты, анын ичинен 102 окуучу (67,5%) 110 жогору балл алышты. Айыл аймагы боюнча эң жогорку балл 214 (А.Парпиев ат.мект.-гимн.), орточо балл 140 (эң жогорку орточо балл А.Парпиев ат.мект.-гимн. 151) болду.

Жылдагыдан өзгөчөлөнүп, бул жылы 5 бүтүрүүчү “Алтын тамга” артыкчылык аттестатын алышты, алар - А.Парпиев атындагы мектеп-гимназиясынын 3, К.Каримов атындагы орто мектебинин 1, Борко лицейинин 1 бүтүрүүчүлөрү. Айыл өкмөтүнүн 28.06.2021-жылдагы №115 буйругу менен 5 Алтын тамга артыкчылык аттестатына татыктуу болгон жана ЖРТдан 190 дон жогору балл алган 5 бүтүрүүчүлөр айыл өкмөтүнүн Ардак Грамотасы менен сыйланышты.

Кыргыз Республикасынын Президентинин “Инсандын руханий-адеп-ахлактык өнүгүүсү жана дене тарбиясы жөнүндө” №1 Жарлыгынын негизинде өткөрүлгөн райондук “Атам, апам жана мен-дени сак үй-бүлөбүз” аттуу кароо-сынакка Борко айылынын тургуну, К.Каримов атындагы орто мектебинин мугалими Бөрүбаева Назгүл Имаралиевна үй-бүлөсү менен катышып, биринчи орунду камсыз кылып, райондук мамлекеттик администрациянын баалуу белеги жана Кыргыз-Ата айыл өкмөтүнүн Ардак Грамотасы, акчалай сыйлыгы менен сыйланды. Бул үй-бүлөнү кароо-сынакка даярдоодо жакындан жардам берген К.Каримов атындагы орто мектебинин жетекчилигинин эмгегин белгилеп кетемин.

2021-2022-окуу жылында 325 мугалим 4011 окуучуга билим-тарбия беришүүдө. 9-класста 299 окуучу, 11-класста 211 окуучу ( 84 уул, 127 кыз) окуп жатышат.

Балдар бакчалары.

Кыргыз-Ата айыл аймагындагы 8 балдар бакчасында 131 кызматкер эмгектенип, 566 бала тарбияланууда.

Аялуу катмар.

Айыл аймагында 2021-жылы 14 жалгыз бой кары-картаңдар каттоого алынган. 614 адам ден соолугунан мүмкүнчүлүгү чектелген а.и. 16 бала ДЦП, 18 жашка чейинки ден соолугунан мүмкүнчүлүгү чектелген 148 бала бар, жалгыз бой энелердин балдарынын саны - 20.

9 адам ВИЧ-СПИД илдетине, 22 адам кургак учук илдетине чалдыккандар.

7 бала тоголок жетим, 241 жарым жетим бала бар.

2021-жыл үчүн айыл өкмөтүнүн жергиликтүү бюджетинен ден соолугунан

мүмкүнчүлүгү чектелген жана аз камсыз болгон жарандарга, карыяларга 300,0 миң сом каралган. 1-2-кварталда 180,0 миң сом акча каражаты смета боюнча максаттуу жумшалды. Ал эми 3-кварталда Кыргыз Республикасынын “Билим берүү” мыйзамынын “Окуу куралдарын сатып алууга көмөктөшүү тууралуу” №36 беренесине ылайык, айыл аймагындагы колдоого муктаж 100 окуучуга 50000 (элүү миң) сом акча каражаты таркатылды.

Кыргыз-Ата айыл аймагында бүгүнкү күндө 80 жаштан өткөн 161 карыя бар, алардын ичинен 100 жаштан өткөн 3 адам, 90 жаштан өткөн 28 адам.

Айыл аймагы боюнча жалпысы 2212 пенсионер бар, анын ичинен 147 багуучусун жоготкон ( 241 бала), 1627 курагы боюнча, 440 майыптыгы боюнча пенсионерлер.

Айыл аймагында азыркы күндө “Баатыр Энелердин” саны 274, анын ичинен пенсия жашындагылар 238, пенсия жашына жете элек жаш “Баатыр Энелер” 36, алардан мамлекеттик жөлөк пул алуучулар 30 үй-бүлө.

“Эне Даңкы” медалын алган энелер 15.

Ал эми “Баатыр Энелердин” пенсиясына ай сайын 1000 сомдон кошулуп төлөнөт, мамлекеттик ооруканаларда, самолет жана автоунааларга түшкөндө кезек күтпөй жана төлөнүүчү суммасынан жеңилдик бар.

Айыл аймагы боюнча “үй-бүлөгө көмөк” пул алуучу үй-бүлөлөрдүн саны 608 , 2046 бала айына 1 млн.657 миң 260 сом болот.

Жалпысы 3418 кожолук бар, мамлекеттик жөлөк пул алуучу үй-бүлөлөр 17.8%. 17 жашка чейинки бала саны 7221, анын ичинен 28.3%ы жөлөк пул алат.

Саламаттык сактоо тармагы

Айыл аймагындагы “Кыргыз-Ата” айылдык ооруканасындагы

(20 койкага эсептелген), төрөт үйү, № 10 23, 26-үй-бүлөлүк дарыгерлер топторунда, Кара-Кой, Борко ФАПтарында эмгектенген 5 дарыгер, 55 орто жана 27 кенже медкызматкерлер бүгүнкү күндөгү жугуштуу илдет учурунда элге түнү-күнү стационардык жана амбулатордук кызмат көрсөтүп жатат.

Кыргыз-Ата айыл  өкмөтүнүн  маданият, спорт жана туризм тармагында: 

Кыргыз-Ата айыл өкмөтүнүн жаштар, спорт  иштери  боюнча бөлүмүнүн  2018-2022- жылдарга “Спорттук Кыргызстан” программасынын алкагында   аткарылган иштери боюнча, Кыргыз-Ата айыл аймагындагы айыл жаштары арасында “Жаштардын тилеги ынтымак” аттуу спорттун волейбол  түрү  боюнча мелдеш болуп өттү. Мелдешке 5  айылдан 13 команда  40 жашка чейинки курактагы эркектердин курама командалары  катышты. Мелдеш айыл аймактагы борбордук спорт комлексинде өткөрүлдү. Мелдешти айыл аймактын жаштар,спорт бөлүмү жогорку деңгээлде өткөрдү. Мелдешке Ак-Булак 1,2, Көтөрмө 1,2, Борко 1,2, Кыргыз-ата 1,2, Кара-кой 1,2 командалары күч сынашты. Жыйынтыгында мелдештин уюштуруучусу айыл аймактын жаштар, спорт бөлүмүнүн жетектөөчү адиси Ташбалта уулу Алтынбек мелдешке келген жалпы 150дөн ашуун жарандарга өлкөнү өнүктүрүүгө жаштардын салымын кошууга үндөгөн жана мекенибизди спорт тарабынан Кыргызстанды дүйнөгө таанытууга Кыргыз-Ата жаштарын чакырды. Ошондой эле 2018-2022-жылдарга “Спорттук Кыргызстан” программасын ишке ашыруу максатында аймагыбыздагы  Кыргыз-ата айылында жайгашкан Темиралиев атындагы орто мектептин спорттук залын айыл жаштарынын демилгеси менен 600 000 сомдук каражат жумшалып толук ремонттон өткөрүлүп, мектеп окуучуларына толук шарт түзүлдү. Айыл өкмөтүнүн демилгеси менен түзүлгөн айыл жаштары үчүн “Боец” аттуу эркин күрөш клубу ачылган. Кыргыз-Ата айыл өкмөтүнүн демилгеси менен мектеп окуучулары арасында эркин күрөш боюнча мелдеш болуп өттү. Мелдешке Ноокат району боюнча 10го жакын күрөш клубу катышып, жыйынтыгында жалпы эсеп боюнча Кыргыз-Ата айыл өкмөтүнүн “Боец” клубунун балбандары жеңишке жетишип, айыл өкмөтүнүн баалуу сыйлыктары жана дипломдору менен сыйланышты.  

    Райондук деңгээлде тынымсыз жер-жерлерде өткөрүлүп жаткан кыз-келиндер арасында спорттун волейбол боюнча “Аялдар Лигасы” мелдешке Кыргыз-Ата кыз-келиндер командасы катышып жакшы жетишкендиктерге жетишип жатышат. 

          Кыргыз-Ата айыл аймагында Улуу Жеңиш майрамы жыл сайын өткөрүлөт. Быйылкы жылы Улуу Жеңиштин 76 жылдыгы белгиленди. Кыргыз-Ата айыл өкмөтүндө азыркы мезгилде Улуу Ата Мекендик согуштун катышуучулары жок ал эми ооруктун 45 ардагерлери бар. Ардагерлер айыл өкмөт тарабынан тынымсыз кабар алынып турат. Ошондой эле Улуу Ата Мекендик согуштун катышуучуларын эскерип туруу максатында, айыл өкмөтүнүн имаратынын алдында  “Өчпөс от” эстелиги орнотулуп согуш ардагерлеринин тизмеси алтын тамга менен жазылып, быйылкы жылы толук ремонттон өткөрүлдү. Ал эми айыл аймактагы жалпы билим берүү мекемелериндеги Улуу Ата Мекендик согуштун катышуучуларына жана ооруктун ардагерлерине аталган музей жана эстеликтерди актап сырдоо жана тазалоо үчүн айыл өкмөт тарабынан тапшырмалар берилди.  Майрамдык салтанат жогорку деңгээлде өттү. Атап айтсак Өчпөс оттун алдында парад  өткөрүлүп эстеликке гүл чамбарлар коюлду. Жалпы катышуучуларга маданият кызматкерлери тарабынан даярдалган концерттик программалар коюлуп, жыйынтыгында куран окулуп бата кылынды. Андан соң айыл аймактын борбордук спорт комплексинде айыл жаштары үчүн (мырзалар, кыз-келиндер) спорттук иш-чаралар өткөрүлүп, жеңүүчүлөргө айыл өкмөт тарабынан дипломдор жана баалуу сыйлыктар тапшырылды 

     Кыргыз-Ата айыл өкмөтүнүн Көтөрмө айылында «Биз кылмыштуулукка, үй бүлөлүк зордук зомбулукка, диний экстремизмге, эрте турмушка чыгууга, коррупцияга, суицидке каршыбыз жана жугуштуу оорулардын алдын алуу», Мекенди коргоо ыйык милдет» аттуу акциялык жүрүш болуп  соңунда райондон келген тиешелүү адистер менен жыйын болуп өттү.              

Кыргыз-Ата айылдык аймагынын мекеме-ишканаларын жана калкын 2021-2022-жылдардын күз-кыш мезгилине карата даярдыгы тууралуу маалымат.

Ноокат райондук мамлекеттик администрациясынын 2021-жылдын 04-май № 100-б буйругунун негизинде Кыргыз-Ата айыл өкмөтүндө 2021-жылдын 14-майында № 100-буйрук иштелип чыгып, анда кышка даярдык көрүү боюнча 9 кишиден штаб курамы түзүлгөн. Социалдык обьектилерге керектелүүчү электр энергиясы 1041,9 миң квт жана 229,0 т көмүр отуну боюнча лимит бөлүнүп берилген. Анын ичинен БК 125,0 тонна мектептерге, 104 тонна балдар бакчаларына тендерге жарыя берилип ОсОО “Оомат-Кен ЛТД” 856850 сомго утуп, жеңүүчү болуп аныкталды. Көмүр Алай районунун Мурдач карьеринен ташылып жатат. Көмүрдүн баасы 1 тоннасы 3742 сомго туура келди. Көмүр үчүн 1000000 сом акча каралып, 229 тонна көмүр 856850 сомго тендерден утуп алынды жана 143150 сом бюджеттин пайдасына эконом болду. Бирок К. Каримов атындагы орто мектепте ноябрь айында окуу башталып калса ал мектепке 30 тонна көмүр алып берүүбүз керек. Сентябрь айынан баштап ар бир мектеп, балдар бакчасына көмүрлөрү түшүрүлүп берилет. Бүгүнкү күнгө С. Токторов атындагы орто мектепке 30,0 тонна, “Көтөрмө-Нур” балдар бакчасына 12,0 тонна, Борко лицейине 15 тонна, А. Парпиев атындагы мектеп-гимназияга 30 тонна, Көтөрмө-Нур балдар бакчасына 14 тонна, К. Коконбаева балдар бакчасына 12 тонна, Чоң-Кыштоо башталгыч мектебине 10 тонна, “Мераж-Нуру” балдар бакчасына 10 тонна, “Кызгалдак-Ак-Булак” балдар бакчасына 15 тонна, Бөпөмай балдар бакчасына 8 тонна көмүр түшүрүлдү. Жалпысы 229 тонна көмүр түшүрүлдү. Жалпы социалдык мекеме-ишканалар көмүр менен камсыз болду.

Штаб мүчөлөрү жана айылдык кеңештин депутаттары менен биргеликте айыл аймагындагы жалпы социалдык обьектилер текшерилип, күз-кыш айларына карата зарыл болгон запастык бөлүктөр аныкталып, сатып алуу порталына жарыяланып, азыркы мезгилде бардык социалдык мекемелердин жылуулук системалары ремонттон чыгарылды..

Ошондой эле туруктуу комиссиянын отурумунда мектеп жана балдар бакча директорлору менен биргеликте талкуу жүргүздүк. Ар бир мектеп, балдар бакчаларына жазылган запастык бөлүктөр 2021-жылдын 15-сентябрына чейин толугу менен орнотулду. Запастык бөлүктөр үчүн айыл өкмөттөн 470,0 миң сом каралган. Комиссия менен керектүү запастык бөлүктөрдү эсептеп чыкканда 360775 сом запастык бөлүктөр алынды. Кышка даярдыкта электр чубалгыларына тоскоол болгон бак-дарактарды кыюу боюнча 2021-жылдын 23-августунда айыл өкмөтүнүн № 155 буйругу чыгып, 10-сентябрга чейин мөөнөт коюлуп, 2-сентябрдан Борко фидеринде тоскоолдук кылган дарактарды кесүү башталып, азыркы учурда бак-дарактар толук кыйылды. Ушул мезгилге чейин кышка даярдык боюнча түзүлгөн штабдын отуруму 3 жолу өткөрүлдү.

Аксакалдар  сотунун   аткарган иштери тууралуу 

            Бардыгы 31 иш  каралды:

үй-бүлөлүк жаңжалдар  4, анын ичинен 3 үй-бүлө жарашылды. Ажырашуу маселелери-1, жер маселеси боюнча 8 арыз өз убагында  чечилди. Жолдорду кеңейтүү маселелери-4, акча маселелери боюнча – 2, салык маселелери боюнча-2.  Бардык кароого келген маселелер 31 арыз-даттануу каралды. 

Кыргыз-Ата айыл аймагынын 2021-жылдын 9 айында ар түрдүү тармактар аркылуу тартылган инвестициялар жана аткарылып жаткан иштер тууралуу маалымат

Айылдын аталышы	Долбордун аталышы	Ким тарабынан каржыланган							Жалпы сумма	Жумушчу орду	Өндүрүштүн кубаттуулугу ж.б маалыматтар	Факт аткарылган сумма
		Сыркы инвестиция		А/округ жер.бюджет		Респ.бюджет	Жаамат	Жеке ишкер
		сумма	ким тарабынан	сумма	сумма	ким тарабынан
1	2	3	4	5	6	7	8	9	10	11	12	13
Кыргыз-Ата айыл өкмөтү	Баткенге жардам						1415,0		1415,0			1415,0
Кыргыз-Ата	Тайлакбай Темиралиев атындагы орто мектебинин спорт залынын полун ремонттоо			100,0			350,0	300,0	750,0	1	Полу жаныдан кагылды. Терезе-айнектер чонойтулуп башка коюлду. Баскедбол, валейбол сетка илинди	750,0
Кыргыз-Ата	Э.Маманов атындагы балдар бакчасына жасалма жылгаяк жасоо						30,0		30,0		өспүрүм балдарга шарт түзүлдү	30,0
Кыргыз-Ата	Борбордук жолдорго аялдама куруу 7даана			20,0			90,0	90,0	200,0		айыл тургундары үчүн шарт түзүлдү	200,0
Кыргыз-Ата	“Жалгыз Өрүк” тоо көчкусү бар жерге көчөт эгүү			40,0			30,0		70,0		2000 даана көчөт эгилди	70,0
Кыргыз-Ата	Мечет куруу “Хадича”р.з.а.атындагы мечет бүткөрүлүп тапшыруу						450,0	1500,0	1950,0	2	мечит курулду, 3 жеке ишкерлер менен	1950,0
Кыргыз-Ата	Кыргыз-Ата мечитине сел-суу кирген жол жагына бетон кую жана тосмону ондоп краскалоо						400,0		400,0			400,0
Кыргыз-Ата	№ 26 ГСВ стимгрант менен кап. ремонт			502,0		2100,0			2602,0			300,0
Кыргыз-Ата	А.Парпиев гимназиясынын спорт зал актовый зал,ашкана,библиотека курулушу башталды					25000,0			25000,0			5000,0
Кыргыз-Ата	Т.Темиралиев атындагы орто мектебинин спорт залына навес куруу			90,0					90,0			90,0
Кыргыз-Ата	Таш канал боюна шагыл төшөө 650м							110,0	110,0			110,0
Кыргыз-Ата	Ж. Жээнбеков, М.Токторов атындагы көчөгө 13 даана столба орнотулду			140,0			40,0		180,0			180,0
Кыргыз-Ата	Орто Мечитеги шамай каналына көпүрө курулду			125,0					125,0			125,0
Кыргыз-Ата	Күнгөйгө арык ачуу			7,0				15,0	22,0			22,0
Кыргыз-Ата	Чакан ГЭС							53000,0			1/250 4 агрегат	53000,0

Ак-Булак	Жарыктандыруу “Ысмаилов Тынчтык” атындагы көчөсү						134,0	134,0		27 даана светильник коюлду	134,0
Ак-Булак	Суу өтүүчү труба орнотуу						80,0	80,0		4 даана чон труба 50мм	80,0
Ак-Булак	“Кызгалдак-Ак-Булак” балдар бакчасына ашкана куруу			450,0						1.45	450,0
Көтөрмө	Жарыктандыруу “Достук” көчөсү					100,0		100,0		21даана светильник коюлду	100,0
Көтөрмө	К.Каримбердиев атындагы көчөсүн тротуарына шагыл төшөө			160,0				160,0		1 км	160,0
Көтөрмө	Абдыраимов көчөсүнө асфальт басуу жана латок орноту 450м			740,0				740,0			740,0
Көтөрмө	Көтөрмө маданият үйүнүн арткы жагындагы чатырын алмаштыруу			80,0				80,0			80,0
Көтөрмө	Төрөев Баатырдын соода дүкөнү жана аптекасынын курулушунун бүткөрүлүшү						2000,0	2000,0			2000,0
Көтөрмө	Эргешов Жармаматтын соода дүкөнү						2900,0				2900,0
Борко	К.Каримбердиев, А.Мурзаев көчөлөрүнө жол белгилер орнотулуп жөө жүрүчүлөр үчүн жол сызыктары бүткөрүү					140,0		140,0			140,0
Борко	А.Бөдөев көчөсүнө тротуар үчүн шагыл төшөлдү. 250шт латок коюлат,асфальт.			1050,0				1050,0			45,0
Борко	Борко мечитине навес куруу						150,0	150,0			150,0
Борко	К.Каримов атындагы орто мектебинин курулушу	75000,0	Араб өнүк фон.					75000,0		1-2 кабаты бүткөрүлды	40000,0
Борко	О.Бакиров атындагы көчөгө темир,бетон столба орнотуу жана зым тартуу					50,0	350,0	400,0		29 даана столбага зым тартылды	400,0
Борко	У. Нематов көчөсүнө асфальт басуу					400,0				150 метр	400,0
Кара-Кой	Кара-Кой жолун ондоо үчүн шагал төгүү, грейдер салуу			5,0		100,0		105,0			105,0
Кара-Кой	Курак-Тектир орто мектебинин курулушу			300,0	10000,0			10300,0		1/190	10300,0
Жалпы		75000		3809	37100	3595	60629	180133	2		119661

Тартылган инвестициялар:

Сырткы инвестиция - 75000,0 м.с

Айыл өкмөтүнүн бюджетинен - 3809,0 м.с

Республикалык бюжеттен - 37100,0 м.с

Жааматтан - 3595,0 м.с

Жеке ишкерлерден - 60629,0 м.с

Бардыгы - 180133,0 м.с анын ичинен факт.аткарылганы – 119661 м.с

Кыргыз-Ата айылдык кеңешинин

жооптуу катчысы К. Заирова