М А З М У Н У
№ п/п	Токтом №	Токтом датасы	Кыска мазмуну
1.	№ 34-2.	14.01.2020	2020-жылга карата айыл өкмөтүнүн жарандарынын тамарка салыгына жеңилдиктерди берүү жана коэфициенттерди белгилөө жөнүндө.
2.	№ 34-3	14.01.2020	2019-жылдын 1-январына карата Кыргыз Республикасынын Эсептөө палатасынын аудитордук текшерүүсүнүн натыйжасына аткаруулар жана түзөтүүлөр жөнүндө.
3.	№ 34-4	14.01.2020	Көк-Жар айыл өкмөтүнүн жайыт комитетине АРИС тарабынан берилген автосамосвал жөнүндө.
4.	№ 34-1	14.01.2020	Көк-Жар айыл өкмөтүнө караштуу Жийде айылына эл аралык кайрымдуулук фонду тарабынан комплекс мектеп(260 орундуу) балдар бакчасы ФАП жана спорт залын куруу жөнүндө.

1
Көк-Жар айылдык Кенешинин VI чакырылышынын кезектеги 34 сессиясы
Т О К Т О М
Көк-Жар айылы		№ 34-2.	14.01.2020
			2020-жылга карата айыл өкмөтүнүн жарандарынын тамарка салыгына жеңилдиктерди берүү жана коэфициенттерди белгилөө жөнүндө.
Кыргыз Республикасынын салык кодексинин 324-беренесинин 1,2,3-бөлүмчөлөрүнө ылайык депутаттардын Көк-Жар айылдык кеңеши
	ТОКТОМ КЫЛАТ:
1.Көк-Жар айыл өкмөтүнүн аймагында 2020-жылга карата айыл чарба багытындагы эмес жер салыгына 1,2 коэфициенти бекитилсин. 2.1,2,3- топтогу мүлк салыгы 1,0 коэфициенти менен эсептелинсин. 3.Тамарка салыгынан 1230 (бир миң эки жүз отуз) кожолука жеңилдик берилсин (пенсионерлер, көп балалуулар, ВОВ катышуучулары, ДРА,Баткен, ЧАЭС, майыптар). 4.Жеңилдик алган жарандардын тамарка аянты 0,15 га ашса, ашыкча аянты үчүн тамарка салыгын төлөө жагы милдеттендирилсин. 5.2020-жылга карата айыл аймагы боюнча 3697 (үч миң алты жүз токсон жети) кожолука таштанды салыгы 75 (жетимиш беш) сом жана ишкерлерге 100 ( бир жүз) сом болуп бекитилсин. 6.Жогорудагы салыктардын план боюнча мыйзам чегинде аткарылышын камсыз кылуу айыл өкмөтүнүн башчысы С. Миңбаевге, ФЭБнүн башчысы Тургунбай уулу Айтибекке жана айыл өкмөтүнүн салыкчы адистерине милдеттендирилсин. 7.Токтомдун аткарылышын көзөмөлдөө жагы бюджет,соода, ишкердүүлүк боюнча туруктуу комиссиясына жүктөлсүн.
Көк-Жар айылдык төрагасы			Н.Туманов
			Назад

2
Көк-Жар айылдык Кенешинин VI чакырылышынын кезектеги 34 сессиясы
Т О К Т О М
Көк-Жар айылы		№ 34-3	14.01.2020
			2019-жылдын 1-январына карата Кыргыз Республикасынын Эсептөө палатасынын аудитордук текшерүүсүнүн натыйжасына аткаруулар жана түзөтүүлөр жөнүндө.
Кыргыз Республикасынын Эсептөө палатасынын Ош шаары, Ош, Жалал-Абад жана Баткен областары боюнча аймактык бөлүнүшү тарабынан Көк-Жар айыл өкмөтүнүн 2017-жылдын 1-январынан тартып 2018-жылдын 31-декабрына карата мезгил аралыгындагы жергиликтүү бюджетинин түзүлүшүнө жана анын аткарылышына жүргүзүлгөн аудиттик жыйынтыгынын жазма буйругуна негиз, Кыргыз Республикасынын "Жергиликтүү өз алдынча башкаруу" жөнүндөгү мыйзамына ылайык депутаттардын Көк-Жар айылдык кеңеши.
	ТОКТОМ КЫЛАТ:
1.Аудиттин жыйынтыгы айыл өкмөтүнүн аппараттагы кызматкерлеринин чогулушунда каралып, тийиштүү адистердин жоопкерчилиги талкууланып, мындан ары катачылыктарга жол бердирбөө жагы эскертилсин. 2.Жайыт пайдалануучулардын бирикмесинде эмгек келишимдери менен иштеген жумушчулардан 8 200 (сегиз миң эки жүз) сом киреше салыгы, КР Салык Кодексинин 177-беренесине ылайык жана 9 200 (тогуз миң эки жүз) сом социалдык фондко болгон төлөмдөрү, жалпысы салыктык төлөмдөр 17 400 (он жети миң төрт жүз) сом өз убагында тиешелүү бюджеттерге которулсун. 3.Жайыт пайдалануучулар бирикмеси тарабынан жогоруда көрсөтүлгөн салыктык төлөмдөрдү төлөө жагы Көк-Жар жайыт пайдалануучулар бирикмесинин төрагасы А. Карабаевге жана башкы эсепчиси М. Осмоновго милдеттендирилсин. 4.Иш сапары боюнча бухгалтерияга тапшырылган авансылык отчеттор КРӨ 2016-жылдын 11-майындагы №241 сандуу "Кызматтык сапар чыгымдарынын нормаларын белгилөө жана алардын ордун толтуруунун тартиби жөнүндөгү" токтомунун негизинде белгиленген ченемдерге ылайык толтурулуусун көзөмөлдөө жагы Көк-Жар айыл өкмөтүнүн ФЭБнүн башчысы А. Тургунбай уулуна жана материалдык эсепчиси А. Имаралиевага жүктөлүн. 5.Товарларды жана кызматтарды сатып алууда КР 2015-жылдын 3-апрелиндеги №72 сандуу "Мамлекеттик сатып алуулар жөнүндөгү" мыйзамдарынын талаптарына ылайык жүргүзүлсүн жана бул багытта иш алып баруу жагы айыл өкмөтүнүн ФЭБнүн башчысы А. Тургунбай уулуна жана мамлекеттик сатып алуулар боюнча адиси З. Акботоевге тапшырылсын. 6.Токтомдун өз убагында мыйзамдуу түрдө аткарылышы Көк-Жар айыл өкмөтүнүн башчысы С. Миңбаевге милдеттендирилсин. 7.Токтомдун аткарылышын көзөмөлдөө жагы айылдык кеңештин экономика жана бюджет боюнча туруктуу комиссиясына тапшырылсын.
Көк-Жар айылдык төрагасы			Н.Туманов
			Назад

3
Көк-Жар айылдык Кенешинин VI чакырылышынын кезектеги 34 сессиясы
Т О К Т О М
Көк-Жар айылы		№ 34-4	14.01.2020
			Көк-Жар айыл өкмөтүнүн жайыт комитетине АРИС тарабынан берилген автосамосвал жөнүндө.
Көк-Жар айыл өкмөтүнө караштуу жайыт комитетине АРИС тарабынан берилген автосамосвалды Көк-Жар айыл өкмөтүнүн балансына алуу максатында, "Жергиликтүү өз алдынча башкаруу" жөнүндөгү мыйзамына негиз, Көк-Жар айылдык кеңеши
	ТОКТОМ КЫЛАТ:
1.Көк-Жар айыл өкмөтүнө караштуу жайыт пайдалануучулар бирикмесине АРИС тарабынан берилген автосамосвалды Көк-Жар айыл өкмөтүнүн балансына алынып жайыт комитетине оперативдүү башкарууга берилсин. 2.Көк-Жар айыл өкмөтүнө караштуу жайыт пайдалануучулар бирикмесине АИС тарабынан берилген автосамосвалды экспулатациялоо жөнүндөгү жобо бекитилсин. 3.Мыйзамдуу иш кагаздарын даярдап берүү жагы айыл өкмөтүнө ташырылсын.
Көк-Жар айылдык төрагасы			Н.Туманов
ТИРКЕМЕ №1			Назад

4
Көк-Жар айылдык Кенешинин VI чакырылышынын кезектеги 34 сессиясы
Т О К Т О М
Көк-Жар айылы		№ 34-1	14.01.2020
			Көк-Жар айыл өкмөтүнө караштуу Жийде айылына эл аралык кайрымдуулук фонду тарабынан комплекс мектеп(260 орундуу) балдар бакчасы ФАП жана спорт залын куруу жөнүндө.
Көк-Жар айыл өкмөтүнө караштуу Жийде айылына эл аралык кайрымдуу фонду тарабынан комплекс мектеп (260 орундуу) бала бакча жана ФАП куруу максатында, "Жергиликтүү өз алдынча башкаруу" жөнүндөгү мыйзамына негиз, Көк-Жар айылдык кеңеши
	ТОКТОМ КЫЛАТ:
1.Көк-Жар айыл өкмөтүнө караштуу Жийде айылынын тургундарынын комплекс куруу боюнча арызы эске алынсын. 2.Көк-Жар айыл өкмөтүнө караштуу Жийде айылына эл аралык кайрымдуулук фонду тарабынан комплекс мектеп(260 орундуу) балдар бакчасы спорт залы жана ФАП курууга макулдук берилсин. 3.Куруу үчүн жер участкасын эл талап кылган жерден мыйзамдуу ажыратып берүү жагы Көк-Жар айыл өкмөтүнө милдеттендирилсин. .
Көк-Жар айылдык төрагасы			Н.Туманов
			Назад