М А З М У Н У
№ п/п	Токтом №	Токтом датасы	Кыска мазмуну
1.	XIV-01	30.06.2017	Айыл өкмөт башчысынын 2016-жылдагы аткарган жумуштарынын отчету жөнүндө
2.	XIV-02	30.06.2017	№ 5370-Көк-Бел жана №5371 -Н.Исанов шайлоо участкасынын комиссия мүчөлөрүнүн резервин бекитүү
3.	XIV-03	30.06.2017	"Көк-Бел айыл өкмөтүнүн жергиликтүү бюджетинин 2015-жылдын 1-январынан 2016-жылдын 31-декабрына чейинки аткарылышы жүргүзүлгөн аудиттик текшерүүнүн жыйынт ыгындагы жетишпестиктерди карап чыгуу жөнүндө"
4.	XIV-04	30.06.2017	ПРООН тарабынан тосулган жерлерге чечим чыгаруу жөнүдө
5.	XIV-05	30.06.2017	Көк-Бел айыл өкмөтүндөгү ИСКАКБнын жетекчисин шайлоо
6.	XIV-06	30.06.2017	2017-жылдын жергиликтүү бюджетинен тармактан тармакка акча каражатын которуу жөнүндө
7.	XIV-07	30.06.2017	Айыл өкмөттүн балансында турган мончону ижарага берүү жөнүндө
8.	XIV-08	30.06.2017	Сапардык чыгымдарга кошумча акча каражатын кароо жөнүндө
9.	XIV-09	30.06.2017	К.Абдылакимов атындагы Көк-Бел орто мектебине атайын көмүр сактоочу жана жаныдан котельный куруу үчүн акча каражатын бөлүп берүү жөнүндө

1
Депутаттардын Көк-Бел айылдык Кенешинин V чакырылышынын кезектеги XIV сессиясы
Т О К Т О М
Кок-Бел айылы		XIV-01	30.06.2017
			Айыл өкмөт башчысынын 2016-жылдагы аткарган жумуштарынын отчету жөнүндө
Көк-Бел айыл өкмөтүнүн 2016-жылда салык төлөмдөрүн ашыкча аткаргандыгы же болбосо 155% пайызга аткаргандыгын, элди таза суу менен камсыз кылууда алгылыктуу жумуштарды аткаргандыгы, айыл ичиндеги ички жолдорду калыбына келтирүүдө талаптагыдай жумуштар аткарылгандыгын, элдин коопсуздугун кароодо кооптуу деп саналган сайларды тазалоодо, жаны конуштарды электр мамычалары менен камсыздоодо, билим берүү тармактарына жеткиликтүү жардам берилгендигин, мектептерди көмүр менен камсыздоодо убагында иш алып баргандыгын жана айыл өкмөттүн аймагындагы жакыр үй-бүлөлөргө материалдык жардам көрсөтүлгөндүгүн эске алып Көк-Бел айылдык кеңеши
	ТОКТОМ КЫЛАТ:
1. Көк-Бел айыл өкмөтүнүн башчысынын 2016-жылда аткарылган жумуштары канааттандыраарлык деп табылсын.
Депутаттардын Көк-Бел айылдык төрагасы			А.А.Раев
			Назад

2
Депутаттардын Көк-Бел айылдык Кенешинин V чакырылышынын кезектеги XIV сессиясы
Т О К Т О М
Кок-Бел айылы		XIV-02	30.06.2017
			№ 5370-Көк-Бел жана №5371 -Н.Исанов шайлоо участкасынын комиссия мүчөлөрүнүн резервин бекитүү
Көк-Бел айыл өкмөтүндөгү № 5370-Көк-Бел жана №5370 Н.Исанов шайлоо участкаларынын комиссия мучолорунун резерви жок болгондугуна байланыштуу Көк-Бел айылдык кенеши
	ТОКТОМ КЫЛАТ:
1. № 5370-Көк-Бел жана № 5371-Н.Исанов шайлоо участкаларынын резерви томондогу курамда бекитилсин: (тиркеме тиркелет)
Депутаттардын Көк-Бел айылдык төрагасы			А.А.Раев
ТИРКЕМЕ №1			Назад

3
Депутаттардын Көк-Бел айылдык Кенешинин V чакырылышынын кезектеги XIV сессиясы
Т О К Т О М
Кок-Бел айылы		XIV-03	30.06.2017
			"Көк-Бел айыл өкмөтүнүн жергиликтүү бюджетинин 2015-жылдын 1-январынан 2016-жылдын 31-декабрына чейинки аткарылышы жүргүзүлгөн аудиттик текшерүүнүн жыйынт ыгындагы жетишпестиктерди карап чыгуу жөнүндө"
Көк-Бел айыл өкмөтүнүн жергиликтүү бюджетинин 2015-жылдын 1-январынан 2016-жылдын 31-декабрына чейинки аткарылышы боюнча жүргүзүлгөн аудиттик текшерүүнүн жыйынтыгындагы финансылык катачылыктарды карап чыгып депутаттардын Көк-Бел айылдык Кенеши
	ТОКТОМ КЫЛАТ:
1. Жергилдиктүү бюджеттин киреше жана чыгаша тарабынан Кыргыз Республикасынын мыйзамдарына жана нормативдик укуктук актыларына негиздеп түзүп, бюджеттен эффективдүү жана үнөмдүү пайдаланышын камсыз кылуу үчүн бекитилген методикалык көрсөтмөлөр менен иш алып барууда финансылык тартип бузууларга жол бергендиги эске алынсын. 2. Бюджеттик каражаттарды максатсыз чыгымдоого жол берилбесин жана максатсыз чыгымдалган 28,9 миң сом бюджеттик каражаттар Республикалык бюджеттин эсебине 2017-жылдын 3-кварталынан которулсун. 3. Ар түрдүү чарбалык жумуштарга келишим менен төлөнгөн эмгек акылардан Кыргыз Республикасынын Салык кодексинин жана Кыргыз Республикасынын "Социалдык камсыздоо жөнүндө" мыйзамынын негизинде киреше салыгы жана социалдык фондко болгон төлөмдөр кармалсын. Ошондой эле чегерилбей калган 43,9 миң сомдук Социалдык Фондко төлөмдөр жана 39,5 ми сом киреше салыгы тийиштүү бюджеттерге жергиликтүү бюджеттин эсебинен 2017-жылдын 3-кварталына которулсун. 4. Эсеп - кысап иштерин жана кемчилдиктерди айыл өкмөттүн жана финансы-экономика бөлүмүнүн башчысына ушул жылдын аягына чейин четтетүү жагы милдеттендирилсин. 5. Аудиттик текшерүүнүн жыйынтыгындагы киреше салыктын эсебине кошумча эсептелинген жана соц.фондго кошумча чегерүүнү жана айыл өкмөтүндө түрдүү кызмат көрсөтүүлөрдөн келишимдер менен жүргүзүлгөн жумуштардын эсеп кысабын көзөмөлгө айыл өкмөттүн жана финансы-экономика бөлүмүнүн башчысы алсын жана мындан ары кошумча эсептөөлөргө жол бербөө боюнча иш-чараларды жүргүзүшсүн. 6. Сапар чыгымдарын төлөө Кыргыз Республикасынын Өкмөтүнүн 2016-жылдын 11-майындагы № 241 "Сапар чыгымдарынын нормаларын белгилөө жана алардын ордун толутуруунун тартиби жөнүндөгү" токтомуна өзгөртүүлөрдү киргизүү жөнүндө токтомуна ылайык жүргүзүлсүн. 7. Аудиттик текшерүүдөн өткөн айыл өкмөтүнүн аппарат кызматкерлерине: - бюджеттик каражаттарды максаттуу пайдалануу; - эмгек акыларды эсептөөнү нормативдик актыларга жана тарификацияны негиздеп эсептөө жана тарификацияны туура түзүү; - дебитордук жана кредитордук карыздарды кыскартуу боюнча катуу чара колдонуу, мындан ары дебитордук карыздарды жаап жашырууга жол бербөө; - Электр жарыгын пайдаланууда КРнын Өкмөтүнүн токтому менен бекитилген тартиптин негизинде белгиленген лимиттен ашыкча пайдаланууга жол бербөө; - айыл өкмөттүн жана айылдык Кенештин иш кагаздарын жүргүзүү КРнын нормативдик актылары менен белгиленген тартиптерде жүргүзүү; - жайыт пайдалануучулар бирикмесинин (жайыт комитетинин) карамагындагы жайыттарды натыйжалуу пайдалануу көзөмөлгө алынып, жайыттан түшкөн каражаттардын толук жыйналышы жана аларды максаттуу пайдаланышы боюнча отчет айылдык Кеңеште уктуруу; 8. Токтомдун аткарылышын көзөмөлдөө айылдык кенештин экономика бюджет, соода жана ишкердүүлүк боюнча туруктуу комиссиясына жүктөлсүн.
Депутаттардын Көк-Бел айылдык төрагасы			А.А.Раев
			Назад

4
Депутаттардын Көк-Бел айылдык Кенешинин V чакырылышынын кезектеги XIV сессиясы
Т О К Т О М
Кок-Бел айылы		XIV-04	30.06.2017
			ПРООН тарабынан тосулган жерлерге чечим чыгаруу жөнүдө
Көк-Бел айыл өкмөтү пилоттук өкмөт катары ПРООН уюумуна кирген. Айыл өкмөт тарабынан бир канча жолу ПРООН менен окуулар, семинарлар өткөрүлдү. Жыйынтыгында айыл өкмөттүн аймагындагы жерлерди эррозияга учуратбай жердин кыртышын сактап калуу үчүн 14 га жайыт жерди тосуу боюнча проект жазылып, жазылган проект өтүп жыйынтыгында айыл өкмөткө ПРООН тарабынан 560000 сом жерди тосуу үчүн акча каражаты бөлүнүп берилет. Ошондуктан күн тартибиндеги коюлган маселени талкуулап Депутаттардын Көк-Бел айылдык кенеши
	ТОКТОМ КЫЛАТ:
1. Көк-Бел айыл өкмөтүндөгү 14 га жайыт жердин кыртышын сактап калуу үчүн ПРООН тарабынан тосууга уруксат берилсин. 2. Тосулган 14 га жайыт жерди көрктөндүрүү үчүн көчөт отургузуу жагы айыл өкмөткө милдеттендирилсин. 3. 14 га жайыт жерди тактап берүү жагы айыл өкмөттүн жайыт комитетинин төрагасы Теңизбай уулу Турусбекке милдеттендирилсин. 4. Бул токтомдун аткарылышын көзөмөлдөө депутаттардын айыл чарба, жер, суу, жайыт жана жаратылыш боюнча туруктуу комиссиясына жүктөлсүн
Депутаттардын Көк-Бел айылдык төрагасы			А.А.Раев
			Назад

5
Депутаттардын Көк-Бел айылдык Кенешинин V чакырылышынын кезектеги XIV сессиясы
Т О К Т О М
Кок-Бел айылы		XIV-05	30.06.2017
			Көк-Бел айыл өкмөтүндөгү ИСКАКБнын жетекчисин шайлоо
Көк-Бел айыл өкмөтүндө 1050 кожолук болсо, 7517 калк жашайт. Айыл өкмөтүндөгү жалпы таза суунун узундугу 33,2 км. Ал эми таза суу менен камсыз болгон кожолуктун саны 812. Айыл элин таза суу менен камсыз кылуу үчүн 1 ИСКАКБ элге кызмат көрсөтүп келүүдө. 2017-жылы элди таза суу менен камсыз кылуу үчүн 889000 сом айыл өкмөттүн бюджетинен бөлүнүп азыркы күндө толугу менен жумуштар аткарылып келүүдө. ИСАКАКБнын жетекчиси болуп Аттокуров Абдилазиз шайланган. Азркы күндө жетекчи өз арызы менен жумуштан бошогондугуна байланыштуу жана күн тартибине коюлган маселени угуп жана талкуулап Көк-бел айылдык кеңеши
	ТОКТОМ КЫЛАТ:
1. Көк-Бел айыл өкмөтүнүн аймагындагы ИСКАКБнын жетекчиси болуп Айтбаев Сайтазим шайлансын. 2. Бул токтомдун аткарылышын көзөмөлдөө депутаттардын айыл чарба, жер, суу, жайыт жана жаратылыш боюнча туруктуу комиссиясына жүктөлсүн.
Депутаттардын Көк-Бел айылдык төрагасы			А.А.Раев
			Назад

6
Депутаттардын Көк-Бел айылдык Кенешинин V чакырылышынын кезектеги XIV сессиясы
Т О К Т О М
Кок-Бел айылы		XIV-06	30.06.2017
			2017-жылдын жергиликтүү бюджетинен тармактан тармакка акча каражатын которуу жөнүндө
Көк-Бел айылдык кенешинин (V чакырылышынын) XIV сессиясынын күн тартибине коюлган 6 маселени карап жана талкуулап, депутаттар бир добуштан колдоп каршылыгы жок экендигин эске алып
	ТОКТОМ КЫЛАТ:
1. Көк-Бел айыл өкмөтүнүн 2017-жылга каралган бюджетинин Р - 709ст 3112 статьясындагы 401,9 сом акча каражаты иштетилбегендигине байланыштуу 22211100 статьясына 200,0 сом акча каражаты которулсун. 2. Токтомдо көрсөтүлгөн 200,0 сом сумманы Р-709 ст 22211100 которуп берүү жагы Райондук финансы бөлүмүнөн суралсын.
Депутаттардын Көк-Бел айылдык төрагасы			А.А.Раев
			Назад

7
Депутаттардын Көк-Бел айылдык Кенешинин V чакырылышынын кезектеги XIV сессиясы
Т О К Т О М
Кок-Бел айылы		XIV-07	30.06.2017
			Айыл өкмөттүн балансында турган мончону ижарага берүү жөнүндө
Көк-Бел айыл өкмөтүнүн балансында турган мончо бир канча жылдан бери элге кызмат көрсөтбөй келүүдө себеби, мончо капиталдык ремонтту талап кылат. Айыл өкмөттүн аймагындагы жеке ишкерлер тарабынан айыл өкмөткө мончону капиталдык ремонттон чыгарып, кайрадан мончону жеке ишкерлерге ижарага берүү боюнча кайрылышкан. Азыркы убакта айыл өкмөттүн аймагында мончо жок болгондугуна байланашытуу, элдин суроо талабына аткаруу жана айылдык кеңештин сессиясынын күн тартибине коюлган маселени угуп жана талкуулап Депутаттардын Көк-Бел айылдык кенеши
	ТОКТОМ КЫЛАТ:
1. Көк-Бел айыл өкмөтүнүн балансында турган мончо жеке ишкерлерге капиталдык ремонттон өткөрүүгө берилсин. 2. Мончо капиталдык ремонттон өткөндөн кийин жеке ишкерлерге узак мөөнөткө ижарага берилсин. 3. Мончону таза суу менен камсыз кылуу жагы айыл өкмөткө милдеттендирилсин. 4. Бул токтомдун аткарылышын көзөмөлдөө депутаттардын айыл чарба, жер, суу, жайыт жана жаратылыш боюнча туруктуу комиссиясына жүктөлсүн.
Депутаттардын Көк-Бел айылдык төрагасы			А.А.Раев
			Назад

8
Депутаттардын Көк-Бел айылдык Кенешинин V чакырылышынын кезектеги XIV сессиясы
Т О К Т О М
Кок-Бел айылы		XIV-08	30.06.2017
			Сапардык чыгымдарга кошумча акча каражатын кароо жөнүндө
Сапар чыгымдарын төлөө Кыргыз Республикасынын Өкмөтүнүн 2016-жылдын 11-майындагы № 241 "Сапар чыгымдарынын нормаларын белгилөө жана алардын ордун толутуруунун тартиби жөнүндөгү" токтомуна өзгөртүүлөрдү киргизүү жөнүндө токтомунун негизинде Депутаттардын Көк-Бел айылдык кеңеши
	ТОКТОМ КЫЛАТ:
1. Көк-Бел айыл өкмөтүнүн 2017-жылдын бюджетинин кошумча кирешесинин эсебинен айыл өкмөтүнүн аппарат кызматкерлеринин сапардык чыгымдары үчүн 150,0 миң сом акча каражаты бөлүнсүн. 2. Токтомдун аткарылышын көзөмөлдөө айылдык кенештин экономика бюджет, соода жана ишкердүүлүк боюнча туруктуу комиссиясына жүктөлсүн.
Депутаттардын Көк-Бел айылдык төрагасы			А.А.Раев
			Назад

9
Депутаттардын Көк-Бел айылдык Кенешинин V чакырылышынын кезектеги XIV сессиясы
Т О К Т О М
Кок-Бел айылы		XIV-09	30.06.2017
			К.Абдылакимов атындагы Көк-Бел орто мектебине атайын көмүр сактоочу жана жаныдан котельный куруу үчүн акча каражатын бөлүп берүү жөнүндө
Көк-Бел айыл өкмөтүнүн 2017-жылдын 6 айлыгындагы эсептик счетунда калган калдыкты иштелип чыгылган Долбоор Депутаттардын Көк-Бел айылдык кеңешинин "Экономика, бюджет, соода жана ишкердүүлүк" боюнча туруктуу комиссиясы тарабынан каралып чыгылган. Кыргыз Республикасынын "Жергиликтүү өз алдынча башкаруу жана жергиликтүү мамлекеттик администрациялар жөнүндөгү" Мыйзамынын 27-статьясынын 5-пунктуна ылайык депутаттардын Көк-Бел айылдык Кеңеши
	ТОКТОМ КЫЛАТ:
1. К.Абдылакимов атындагы Көк-Бел орто мектебине жаңыдан котлеьный жана атайын көмүр сактоочу жай куруу үчүн 3452,9 сом акча каражаты калган калдыктын эсебинен бөлүнсүн. 2. Токтомду аткаруу жагы айыл өкмөттүн ФЭБ башчысы Караев Назарбекке милдеттендирилсин. 3. Бул токтомдун аткарылышын көзөмөлдүк кылуу жагы депутаттардын Көк-Бел айылдык Кеңешинин "Экономика, бюджет, соода жана ишкердүүлүк боюнча" туруктуу комиссиясына жүктөлсүн.
Депутаттардын Көк-Бел айылдык төрагасы			А.А.Раев
			Назад