М А З М У Н У
№ п/п	Токтом №	Токтом датасы	Кыска мазмуну
1.	№ 1	22.09.2021	Жаңы-Ноокат айыл өкмөтүнүн 2021-жылкы жергиликтүү бюджетинин жарым жылдык аткарылышы жөнүндө
2.	№ 2	22.09.2021	Жаңы-Ноокат айылдык кеңешинин 2021-жылдын III-IV-чейректеги иш планын бекитүү жөнүндө
3.	№ 3	22.09.2021	Жаңы-Ноокат айыл өкмөтүнө караштуу "Тазалык" муниципалдык ишканасына акча каражатын ажыратып берүү жөнүндө
4.	№ 4	22.09.2021	Жаңы-Ноокат айыл өкмөтүнүн Кызыл-Тейит айылынын тургундары Нишанбаев Мирзабек жана Журабаев Мурзалига айылдык кеңештин "Ардак грамота"сын ыйгаруу жөнүндө
5.	№ 5	22.09.2021	Жаңы-Ноокат айыл өкмөтүнүн кайра бөлүштүрүү фондунун жерлеринин ижара акыларын белгилөө жөнүндө
6.	№ 6	22.09.2021	Жаңы-Ноокат айыл өкмөтүнүн 2001-2002-2003-2004-жылдардагы системалуу каттодон өткөн жер тилкелери жөнүндө

1
Жаңы-Ноокат айылдык Кенешинин VII чакырылышынын кезектеги 6 сессиясы
Т О К Т О М
Жаңы-ноокат айылы		№ 1	22.09.2021
			Жаңы-Ноокат айыл өкмөтүнүн 2021-жылкы жергиликтүү бюджетинин жарым жылдык аткарылышы жөнүндө
Жаңы-Ноокат айыл өкмөтүнүн 2021-жылкы жергиликтүү бюджетинин жарым жылдык аткарылышы жөнүндөгү маселени айылдык кеңештин "Экономика, бюджет, салык, ишкердүүлүктү өнүктүрүү, инвестиция тартуу жана тышкы экономикалык байланыш" боюнча туруктуу комиссиясы тарабынан 2021-жылдын 18-сентябрындагы протоколун карап чыгып Кыргыз Республикасынын "Жергиликтүү өз алдынча башкаруу жана жергиликтүү мамлекеттик администрациясы" жөнүндөгү мыйзамына таянып Жаңы-Ноокат айылдык кеңешинин 7-чакырылышындагы кезектеги отуруму
	ТОКТОМ КЫЛАТ:
1. Жаңы-Ноокат айылдык кеңешинин "Экономика, бюджет, салык, ишкердүүлүктү өнүктүрүү, инвестиция тартуу жана тышкы экономикалык байланыш" боюнча туруктуу комиссиясынын 2021-жылдын 18-сентябрындагы протоколун негизинде Жаңы-Ноокат айыл өкмөтүнүн 2021-жылкы жергиликтүү бюджетинин жарым жылдык аткарылышы канаттандыраарлык деп табылсын. 2. Токтомдун аткарылышын көзөмөлдөө Жаңы-Ноокат айылдык кеңешинин "Мыйзамдуулукту, укук тартибти сактоо, коррупцияга каршы күрөшүү, мандат, депутаттык этика маселелери, жарандарды укугун жана кызыкчылыгын коргоо" боюнча туруктуу комиссиясына тапшырылсын.
Жаңы-Ноокат айылдык Кеңешинин төрагасы			К. Сатторов
			Назад

2
Жаңы-Ноокат айылдык Кенешинин VII чакырылышынын кезектеги 6 сессиясы
Т О К Т О М
Жаңы-ноокат айылы		№ 2	22.09.2021
			Жаңы-Ноокат айылдык кеңешинин 2021-жылдын III-IV-чейректеги иш планын бекитүү жөнүндө
Жаңы-Ноокат айылдык кеңешинин 2021-жылдын III-IV-чейректе аткарыла турган иштерин карап чыгып, талкуулап Кыргыз Республикасынын "Жергиликтүү өз алдынча башкаруу жана жергиликтүү мамлекеттик администрациясы" жөнүндөгү мыйзамына таянып Жаңы-Ноокат айылдык кеңешинин 7-чакырылышындагы кезектеги отуруму
	ТОКТОМ КЫЛАТ:
1. Жаңы-Ноокат айылдык кеңешинин 2021-жылдын III-IV-чейректеги иш планы №1 тиркемеге ылайык бекитилсин (иш план тиркелет). 2. Бекитилген иш планга негиз, ишти алып баруу жагы айылдык кеңештин туруктуу комиссияларынын төрагаларына жүктөлсүн. 3. Токтомдун аткарылышын көзөмөлдөө Жаңы-Ноокат айылдык кеңешинин төрагасынын орун басарына милдеттендирилсин.
Жаңы-Ноокат айылдык Кеңешинин төрагасы			К. Сатторов
ТИРКЕМЕ №1			Назад

3
Жаңы-Ноокат айылдык Кенешинин VII чакырылышынын кезектеги 6 сессиясы
Т О К Т О М
Жаңы-ноокат айылы		№ 3	22.09.2021
			Жаңы-Ноокат айыл өкмөтүнө караштуу "Тазалык" муниципалдык ишканасына акча каражатын ажыратып берүү жөнүндө
Жаңы-Ноокат айыл өкмөтүнүн 2021-жылдын 03-сентябрындагы №370 сандуу сураныч катынын негизинде Жаңы-Ноокат айыл өкмөтүнүн "Тазалык" муниципалдык ишканасына 2021-жылдагы жергиликтүү бюджеттен 300 000 (үч жүз миң) сом акча каражатын ажыратып берүү жөнүндөгү маселени угуп жана талкуулап Кыргыз Республикасынын "Жергиликтүү өз алдынча башкаруу жана жергиликтүү мамлекеттик администрациясы" жөнүндөгү мыйзамына таянып Жаңы-Ноокат айылдык кеңешинин 7-чакырылышындагы кезектеги отуруму
	ТОКТОМ КЫЛАТ:
1. Жаңы-Ноокат айыл өкмөтүнүн аймагында санитардык-эпидемиологиялык абалды жакшыртуу жана туруктуу кармоо, таштандыларды өз убагында ташып чыгарууну уюштуруу максатында "Тазалык" муниципалдык ишканасына 2021-жылдагы жергиликтүү бюджеттин 7022-бөлүгүнүн 2215-беренесинен 300 000 (үч жүз миң) сом акча каражатын 706-бөлүгүнүн 2221-беренесине которуп берүүгө макулдук берилсин. 2. Токтомдун аткарылышы Жаңы-Ноокат айыл өкмөтүнүн ФЭБ башчысы М. Махмудовго жүктөлсүн. 3. Токтомдун аткарылышын көзөмөлдөө жагы Жаңы-Ноокат айылдык кеңешинин "Экономика, бюджет, салык, ишкердүүлүктү өнүктүрүү, инвестиция тартуу жана тышкы экономикалык байланыш" боюнча туруктуу комиссиясына тапшырылсын.
Жаңы-Ноокат айылдык Кеңешинин төрагасы			К. Сатторов
			Назад

4
Жаңы-Ноокат айылдык Кенешинин VII чакырылышынын кезектеги 6 сессиясы
Т О К Т О М
Жаңы-ноокат айылы		№ 4	22.09.2021
			Жаңы-Ноокат айыл өкмөтүнүн Кызыл-Тейит айылынын тургундары Нишанбаев Мирзабек жана Журабаев Мурзалига айылдык кеңештин "Ардак грамота"сын ыйгаруу жөнүндө
Күн тартибиндеги маселени угуп жана талкуулап чыгып, "Жергиликтүү өз алдынча башкаруу жөнүндө" Кыргыз Республикасынын 2011-жылдын 15-июлундагы №101 Мыйзамынын 31-беренесине негиз, айылдык кеңештин 2021жылдын 20-сентябрындагы "Айылдын инфраструктурасын өнүктүрүү, соода, архитектура, жол, транспорт, өнөр жай, кайра иштетүү, коммуникация, таза суу жана электр энергиясы" боюнча туруктуу комиссиясынын жана "Экономика, бюджет, салык, ишкердүүлүктү өнүктүрүү, инвестиция тартуу жана тышкы экономикалык байланыш" боюнча туруктуу комиссиясынын берген сунушун карап чыгып, Кызыл-Тейит айылынын депутаты Нишанбаев Мирзабекке жана Кызыл-Тейит айылынын тургуну Журабаев Мурзалига Кызыл-Тейит айылынын жолуна 3 км асфальт жаткырууда жана социалдык-экономикалык өнүгүшүнө кошкон салымы үчүн сессиянын отурумундагы депутаттардын сунуштарынын негизинде Жаңы-Ноокат айылдык кеңешинин отуруму
	ТОКТОМ КЫЛАТ:
1. Жаңы-Ноокат айыл өкмөтүнүн Жаңы-Ноокат айылдык кеңешинин депутаты Нишанбаев Мирзабекке жана Кызыл-Тейит айылынын тургуну Журабаев Мурзалига айылдык кеңештин "Ардак грамотасы" ыйгарылсын. 2. Токтомдун аткарылышы Жаңы-Ноокат айылдык кеңешинин төрагасынын орун басары И. Мамажоновга жүктөлсүн.
Жаңы-Ноокат айылдык Кеңешинин төрагасы			К. Сатторов
			Назад

5
Жаңы-Ноокат айылдык Кенешинин VII чакырылышынын кезектеги 6 сессиясы
Т О К Т О М
Жаңы-ноокат айылы		№ 5	22.09.2021
			Жаңы-Ноокат айыл өкмөтүнүн кайра бөлүштүрүү фондунун жерлеринин ижара акыларын белгилөө жөнүндө
Жаңы-Ноокат айыл өкмөтүнүн кайра бөлүштүрүү фондунун жерлерини ижара акыларын белгилөө боюнча айылдык кеңештин 2021-жылдын 24-июлундагы (жетинчи чакырылышын) кезектеги №4-сессиясында кайра кароого калтырылган Жаңы-Ноокат айыл өкмөтүнүн 2021-жылдын 31-майындагы №240-сандуу сунуш маалыматын үйрөнүп чыгып "Айыл чарбасы, суу, жер, муниципалдык менчик, жайыттарды пайдалануу, өзгөчө кырдаалдарды алдын алуу, экология жана жаратылышты коргоо" боюнча туруктуу комиссиясынын 2021-жылдын 10-августундагы протоколун карап чыгып, талкуулап Кыргыз Республикасынын "Жергиликтүү өз алдынча башкаруу жана жергиликтүү мамлекеттик администрациясы" жөнүндөгү жана Кыргыз Республикасынын "Жер Кодекси" жөнүндөгү мыйзамдарына таянып Жаңы-Ноокат айылдык кеңешинин 7-чакырылышындагы кезектеги отуруму
	ТОКТОМ КЫЛАТ:
1. Жаңы-Ноокат айыл өкмөтүнүн мамлекеттик кайра бөлүштүрүү фондунун жерлерин ижара акыларын белгилөө боюнча айыл өкмөтүнүн жер адисинин сунушунда көрсөтүлгөн төмөнкү жерлердин бааларына азыркы күндө айрым керектөөчү азык-түлүк жана башка товарлардын наркы кымбатташына, отурумда депутаттардын сунуш калоолорун эсепке алып, жерлерди жайгашуу шартын үйрөнүп чыгып тууралоо жолу менен калган жерлерге инфляциянын көлөмүн ашып кетүүсүнө жана башка обөективдүү себептерди эсепке алып 10% үстөмдүк кошулсун: № Кайсы жер Айыл өкмөт сунуштаган нарк 1га жерге сом (мурдагы ижара акы + 10 %) 1 Бел-Кайрагач айыл өкмөтүнүн чекарасындагы фондун жери: суу чыгып кетүүчү жер 5 000 5500 Суу чыкпай турган жер 8 500 9350 2 Он жети гектардагы фонд жерине 10 000 11000 3 Алтымыш гектардык фондун жери: Суу чыгып кетүүчү жер Суу чыкпай турган жер 6 000 6600 8 500 9350 4 Жогорку кызыл 45-га фондун жерине 7 000 7700 5 Колоочуу жердеги фондун жери : Суу чыгып кетуучу жер 4,25 га Калган 2 га жерине 7 000 7700 8 500 9350 6 МТФнын астындагы фонд жерине Кара шагалдуу жер Калган жерине 5 000 5500 7 000 7700 7 Колдолон талаа фонд жерине 8 500 9350 8 Калик-Тал фонд жерине 9 000 9900 9 Ортончу кызыл фонд жерине 8 500 6000 10 Адыр кайрак фонд жерине 700 770 11 Мулица фонд жерине Калган ынгайлуу жерине 300 330 500 550 12 Адыр 87 га фонд жерине 400-500 440-550 13 Адыр 17-23-14-9 фонд жерине 500-700 550-770 14 Күнгөй, Тескей бөлүмүндөгү бак фонд жерине 3 000 3300 15 Кызыл-Тейит үлүш жер менен бирге турган фонд жерине 8 500 6000 16 Теплицаны астындагы фонд жерине 5 000 5000 17 Мурунку Телочный комплекстин астындагы фонд жерине 5 000 5000 18 Теплицанын айланасындагы (условный кайрак) фонд жерине 1 200 1320 19 Кызыл-Тейит участкасындагы бак фонд жерине 2 000 2200 20 Жандама айылындагы Кыркол бөлүмүндөгү кайрак фонд жерине 2 000 2200 21 Сурпаташ бөлүмүндөгү ыңгайсыз 1га кайрак фонд жерине Калган фонд жерине 300 330 700 770 22 Яш бөлүмүндөгү кайрак фонд жерине 3 000 3300 23 Жандама участкасындаги Найман каналынын үстү тарабындагы Мончок-Дөбөгө чейин бак фонд жерине 5 000 3000 2. Төмөнкү ыңгайсыз жанбоор кайрак жерлердин ижара акылары айыл өкмөтү берген сунуш боюнча калтырылсын: Дөң-Кыштак айылындагы Тескей бөлүмүндөгү кайрак фонд жерине Тескей бөлүмүндөгү биринчи кабат фонд жерине Экинчи кабат фонд жерине үчүнчү кабат фонд жерине Касым сайдагы фонд жерине Мончок-Дөбөдөн тартып Бел-Кайрагач чекарасына чейин 2000 5 000 3 000 2 000 8 000 1500 3. Жаңы-Ноокат айыл өкмөтүнүн жер адисине ушул ижара акыларын жаңы бааларын көрүп чыгып ар бир ижарачы менен жазуу түрүндө келишимдерге тиркеме жасап жаңы ижара акыларына тууралоо жүргүзүү иштерин алып баруу милдеттендирилсин. 4. Токтомдун аткарылышы Жаңы-Ноокат айыл өкмөтүнө тапшырылсын. 5. Токтомдун аткарылышын көзөмөлдөө Жаңы-Ноокат айылдык кеңешинин "Экономика, бюджет, салык, ишкердүүлүктү өнүктүрүү, инвестиция тартуу жана тышкы экономикалык байланыш жана Айыл чарбасы, суу, жер, муниципалдык менчик, жайыттарды пайдалануу, өзгөчө кырдаалдарды алдын алуу, экология жана жаратылышты коргоо" боюнча туруктуу комиссияларына тапшырылсын.
Жаңы-Ноокат айылдык Кеңешинин төрагасы			К. Сатторов
			Назад

6
Жаңы-Ноокат айылдык Кенешинин VII чакырылышынын кезектеги 6 сессиясы
Т О К Т О М
Жаңы-ноокат айылы		№ 6	22.09.2021
			Жаңы-Ноокат айыл өкмөтүнүн 2001-2002-2003-2004-жылдардагы системалуу каттодон өткөн жер тилкелери жөнүндө
Жаңы-Ноокат айыл өкмөтүндөгү 2001-2002-2003-2004-жылдардагы турак-жайларды жер реформасы учурунда системалуу каттоодон өткөрүлгөн убакытта кээ бир турак-жайлардын ээлеринин аты жөнү: фамилиясы, аты жана атасынын аты туура эмес жазылып калгандыгы жана бирден экиден тамгалары түшүп калгандыгы же туура эмес жазылып калгандыктарына байланыштуу азыркы күнгө келип ар түрдүү көйгөйлөрдү келтирип жаткандыгы жөнүндөгү маселени угуп жана талкуулап Кыргыз Республикасынын "Жергиликтүү өз алдынча башкаруу жана жергиликтүү мамлекеттик администрациясы" жөнүндөгү жана Кыргыз Республикасынын "Жер Кодекси" жөнүндөгү мыйзамдарына таянып Жаңы-Ноокат айылдык кеңешинин 7-чакырылышындагы кезектеги отуруму
	ТОКТОМ КЫЛАТ:
1. Жаңы-Ноокат айыл өкмөтүнүн 2001-2002-2003-2004-жылдардагы турак-жайларды жалпы каттоодон өткөрүлгөн убакыттагы кээ бир турак-жай ээлеринин аты-жөнү туура эмес катталып калган жарандарды төмөнкү шарт менен жөнгө салынышына макулдук берилсин: - Жарандарды каттоо убагында аты-жөнү жазылганда калып кетген тамгаларын үч тамгага чейин өзгөртүүгө макулдук берилсин. - Жарандардын аты-жөнүнө өзгөртүү киргизүү мезгилинде тактоо үчүн жарандардын 3 кошунасы жазма түрүндө тастыктап бергенден кийин өзгөртүүгө макулдук берилсин. - Жарандардын өзгөртүп жаткан аты-жөнүн айыл өкмөтүнүн жооптуу катчысы Ноокат райондук мамлекеттик кадастр бөлүмүнүн берген тактамасынын негизинде жогорудагы шарттар менен ондоого макулдук берилсин. 2. Токтомдун аткарылышы Жаңы-Ноокат айыл өкмөтүнүн жооптуу катчысы Т. Ниязалиевага жүктөлсүн. 3. Ушул токтомдун аткарылышын көзөмөлдөө жагы айыл өкмөтүнүн башчысы Н. Рузалиевке тапшырылсын.
Жаңы-Ноокат айылдык Кеңешинин төрагасы			К. Сатторов
			Назад