М А З М У Н У
№ п/п	Токтом №	Токтом датасы	Кыска мазмуну
1.	1	24.03.2018	"Н.Исанов атындагы айыл өкмөтүнүн башчысы Н.Асановтун отчету жөнүндө"
2.	2	24.03.2018	"Жар Коргон айылынын тургуну Мамытов Эргештин арызын кароо жөнүндө"
3.	3	24.03.2018	"ГСВ-7нин кайрылуусу жөнүндө"
4.	4	24.03.2018	"Байыш учаскасындагы балдар бакчанын атын коюу жөнүндө "
5.	5	24.03.2018	"Сырттан келген малдар жөнүндө"
6.	6	24.03.2018	"үлүш жерлер жөнүндө"
7.	7	24.03.2018	"Кен байлыктар жөнүндө"
8.	8	24.03.2018	"Ветеринардык посторду уюштуруп кароол канага үй салуу жөнүндө"

1
Н. Исанов айылдык Кенешинин 6 чакырылышынын кезектеги 20 сессиясы
Т О К Т О М
Жаны- Базар айылы		20-1	24.03.2018
			"Н.Исанов атындагы айыл өкмөтүнүн башчысы Н.Асановтун отчету жөнүндө"
Н.Исанов атындагы айыл өкмөтү Кыргыз Республикасынын жергиликтүү өз алдынча башкаруунун мыйзамдарынын №111 беренесине ылайык аткаруучу органдары жана алардын кызмат адамдары өз иштеринде жергиликтүү кеңешке отчет бере тургандыгын эске алып Н.Исанов атындагы айыл өкмөтүнүн башчысы Н.Асанов 2017-жылдагы аткарылган иштер боюнча отчет берип анда айыл Кеңешинин депутаттары угуп, талкуулап төмөнкүдөй токтом кылат
	ТОКТОМ КЫЛАТ:
- Н.Исанов атындагы айыл өкмөтүнүн башчысы Н.Асанов 2017-жылда аткарылган иштери боюнча айыл Кеңешинин депутаттарына берилген отчету канааттандырарлык деп белгиленсин. - Ушул токтомдун аткарылышын көзөмөлдөп иш алып баруу жагы айыл кеңешинин этика боюнча туруктуу комссиясына тапшырылсын .
Н. Исанов атындагы айыл Кеңешинин төрагасы:			Ж Нурмаматов
			Назад

2
Н. Исанов айылдык Кенешинин 6 чакырылышынын кезектеги 20 сессиясы
Т О К Т О М
Жаны- Базар айылы		20-2	24.03.2018
			"Жар Коргон айылынын тургуну Мамытов Эргештин арызын кароо жөнүндө"
Н.Исанов атындагы айыл өкмөтүнө караштуу Жар Коргон айылынын тургуну Мамытов Эргеш айыл кеңешинин депутаттарына эски 1970-жылы курулган намазкананын ордуна жаңыдан мечит тургузуу үчүн арыз жазып кайрылган ошол арызды айыл Кеңешинин депутаттары карап чыгып төмөнкүдөй токтом кылат.
	ТОКТОМ КЫЛАТ:
- Н.Исанов атындагы айыл аймагына караштуу Жар Коргон айылынын тургуну Мамытов Эргештин арызынын негизинде эски намазкананы оңдоп ордуна жаңы 0,04га жер аянтына мечит салуу үчүн макулдук берилсин. - Жаңыдан салына турган мечиттин чиймесин чийип берүү жагы Ноокат райондук шаар курулуш башкармалыгынан суралсын. - Ушул токтомдун аткарылышын көзөмөлдөп иш алып баруу жагы айыл өкмөтүнүн жер жана коммуналдык иштер боюнча башкы адис А.Эсеналиевке тапшырылсын.
Н. Исанов атындагы айыл Кеңешинин төрагасы:			Ж Нурмаматов
			Назад

3
Н. Исанов айылдык Кенешинин 6 чакырылышынын кезектеги 20 сессиясы
Т О К Т О М
Жаны- Базар айылы		20-3	24.03.2018
			"ГСВ-7нин кайрылуусу жөнүндө"
Н.Исанов атындагы айыл аймагына караштуу Күңгөй Кожоке айылында жайгашкан №7 үй-бүлөлүк дарыгерлер тобунун имараты 1972-жылы курулган азыркы мезгилде эскилиги жетип полу жана жыгачтары чирип дубалы көчө баштагандыгына байланыштуу Күңгөй Кожоке айылынын тургундары айыл Кеңешини депутаттарына жаңылап куруу үчүн арыз менен кайрылган, ошол кайрылууну карап чыгышып талкуулап төмөнкүдөй токтом кылат.
	ТОКТОМ КЫЛАТ:
- Н.Исанов атындагы айыл аймагына караштуу Күңгөй Кожоке айылында жайгашкан №7 үй-бүлөлүк дарыгерлер тобунун имаратын жаңылап салуу үчүн үй бүлөлүк дарыгерлер тобунун жерине тиешелүү 0,18га жерден 0,10га жерге жаңыдан ГСВ салуу үчүн ажыратып берүү жагына макулдук берилсин. - №7 үй-бүлөлүк дарыгерлер тобунун имаратынын чиймесин чийип мыйзамдаштырып берүү жагы Ноокат райондук жана шаар курулуш башкармалыгынан ошондой эле айлана чөйрөнү коргоо башкармалыгынан суралсын. - Ушул токтомдун аткарылышын көзөмөлдөп иш алып баруу жагы айыл кеңешинин депутатты Жолдошов Асилбекке тапшырылсын.
Н. Исанов атындагы айыл Кеңешинин төрагасы:			Ж Нурмаматов
			Назад

4
Н. Исанов айылдык Кенешинин 6 чакырылышынын кезектеги 20 сессиясы
Т О К Т О М
Жаны- Базар айылы		20-4	24.03.2018
			"Байыш учаскасындагы балдар бакчанын атын коюу жөнүндө "
Н.Исанов атындагы айыл аймагына караштуу Жаны Базар айылындагы Байыш учаскасында жаңыдан салынып жаткан балдар бакчасынын атын Маматова Улуктун атына коюу боюнча атайын элдик жыйын өткөрүлүп токтом кабыл алышкан. Ошол жыйындын протоколу менен токтомун бекитип берүү үчүн айыл Кеңешинин депутаттарына жиберилген аны карап чыгып төмөнкүдөй токтом кылат.
	ТОКТОМ КЫЛАТ:
- Н.Исанов атындагы айыл аймагына караштуу Жаны Базар айылындагы Байыш учаскасында жаңыдан салынып жаткан балдар бакчасынын атын көпчүлүк элдик чогулуштун протоколунун негизинде Маматова Улуктун атын коюуга макулдук берилсин. - Ушул токтомдун аткарылышын көзөмөлдөп иш алып баруу жагы айыл Кеңешинин депутаты А.Жумабаевка тапшырылсын .
Н. Исанов атындагы айыл Кеңешинин төрагасы:			Ж Нурмаматов
			Назад

5
Н. Исанов айылдык Кенешинин 6 чакырылышынын кезектеги 20 сессиясы
Т О К Т О М
Жаны- Базар айылы		20-5	24.03.2018
			"Сырттан келген малдар жөнүндө"
Н.Исанов атындагы айыл Кеңеши айыл аймагына караштуу жайытына чектеш жайгашкан Араван районунун А.Анаров атындагы айыл аймагына тиешелүү жайытка чыккан мал багуучулар Азизов Таир жана Азизов Искендерлер элдин малын жыйнап Н.Исанов атындагы айыл өкмөтүнүн чек арасынан мал айдап өтүү боюнча айыл Кеңешинин депутаттары карап чыгып Н.Исанов атындагы айыл өкмөтүнүн жайыт комитетине сунуштоо боюнча токтом кылат.
	ТОКТОМ КЫЛАТ:
- Н.Исанов атындагы айыл аймагынын чек арасынан Араван районунун А.Анаров атындагы айыл аймагынын тургундары Азизов Таир жана Азизов Искендерларге Н.Исанов айыл өкмөтүнүн чек арасынан элдин мал, кой эчкилерин айдап өтүү боюнча тыюу салуу жагы Н.Исанов атындагы айыл өкмөтүнүн жайыт комитетинин төрагасы М.Мамановка сунушталсын. - Ушул токтомдун аткарылышын көзөмөлдөп иш алып баруу жагы Н.Исанов атындагы айыл өкмөтүнүн жайыт комитетинин төрагасы М.Мамановка тапшырылсын.
Н. Исанов атындагы айыл Кеңешинин төрагасы:			Ж Нурмаматов
			Назад

6
Н. Исанов айылдык Кенешинин 6 чакырылышынын кезектеги 20 сессиясы
Т О К Т О М
Жаны- Базар айылы		6	24.03.2018
			"үлүш жерлер жөнүндө"
Н.Исанов атындагы айыл аймагына караштуу Чеч Дөбө, Жар Коргон, Кожоке, Күңгөй Кожоке, Жаңы Базар айылдарында жашаган элдердин үлүш жерлерине алма, өрүк, шабдалы гиларс көчөттөрү эгилип жаткандыгына байланыштуу жол жоболорун жердин кыртышы төмөндүгүн илим изилдөө институтунун текшерүүсүнүн корутундусунун негизинде жердин асылдуулугуна карата макулдук берүү жөнүндө төмөнкүдөй токтом кылат.
	ТОКТОМ КЫЛАТ:
- Н.Исанов атындагы айыл аймагына караштуу Чеч Дөбө, Жар Коргон, Кожоке, Күңгөй Кожоке, Жаңы Базар айылдарында жашаган элдердин үлүш жерлерине олтургузулган алма, өрүк, шабдалы, гиларс көчөттөрүн олтургузуу үчүн илим изилдөө институтунун кортундусунун негизинде макулдук берилсин. - үлүш жерлерге алма, өрүк, гиларс, шабдалы олтургузуп жаткан айыл тургундарына түшүндүрүү иштерин айыл өкмөтүнүн жер жана коммуналдык иштер боюнча башкы адис А.Эсеналиевге милдеттендирилсин. - Ушул токтомдун аткарылышын көзөмөлдөп иш алып баруу жагы айыл өкмөтүнүн башчысынын орун басары ү.Маткалыковго жана айыл өкмөтүнүн жер жана коммуналдык иштер боюнча башкы адис А.Эсеналиевге тапшырылсын .
Н. Исанов атындагы айыл Кеңешинин төрагасы:			Ж Нурмаматов
			Назад

7
Н. Исанов айылдык Кенешинин 6 чакырылышынын кезектеги 20 сессиясы
Т О К Т О М
Жаны- Базар айылы		20-7	24.03.2018
			"Кен байлыктар жөнүндө"
Н.Исанов атындагы айыл Кеңешинин аймагынан шайланган депутаттардан айыл өкмөтүнүн кен байлыктарына келген жеке ишкерлердин жана парталга жырыяланып бүтбөй калган иштердин иш кагаздарын көрүп туруу үчүн ар бир айылдан шайланган дупутаттардан комиссиянын курамын 5-адамдан көрсөтүү жөнүндө айыл Кеңеши төмөнкүдөй токтом кылат.
	ТОКТОМ КЫЛАТ:
- Н.Исанов атындагы айыл Кеңешинин аймагындагы айылдардан шайланган айыл Кеңешинин депутаттарынан айыл өкмөтүнө караштуу кен байлыктарына келген жеке ишкерлердин жана парталга жарыяланып бүтбөй калган иштердин тийиштүү иш кагаздарын өз учурунда көрүп туруу үчүн төмөнкү айыл Кеңешинин депутаттары комиссиянын курамына көрсөтүлсүн. 1 Карамоторов Жуман-Чеч Дөбө шайлоо окуругунан шайланган депутат. 2 Мадимаров Жаныш -Жар Корогон шайлоо окуругунан шайланган депутат. 3 Сыдыков Маматали - Кошчан шайлоо окуругунан шайланган депутат. 4 Жумабаев Атабек-Жаны Базар шайлоо окуругунан шайланган депутат. 5 Жолдошов Асилбек -К Кожоке шайлоо окуругунан шайланган депутат. - Ушул токтомдун аткарылышын көзөмөлдөп иш алып баруу жагы транспорт, курулуш, өнөр жай, кайра иштетүү, энергетика, айыл чарбасы, жерге жайгаштыруу жаратылышты коргоо экология жана тоо кендери боюнча туруктуу комиссиясына тапшырылсын.
Н. Исанов атындагы айыл Кеңешинин төрагасы:			Ж Нурмаматов
			Назад

8
Н. Исанов айылдык Кенешинин 6 чакырылышынын кезектеги 20 сессиясы
Т О К Т О М
Жаны- Базар айылы		8	24.03.2018
			"Ветеринардык посторду уюштуруп кароол канага үй салуу жөнүндө"
Н.Исанов атындагы айылдык Кеңешинин аймагына караштуу Кожоке айылындагы Кошчан капчыгайынын киреберишиндеги Кошчан дарыясынын боюндагы А.Чынкараев атындагы балдар эс алуучу лагерине киреберишиндеги жолдун оң жагындагы айыл өкмөтүнүн муниципалдык менчигинде турган өрүк бактын узун, турасын 4х7 метр 2-бөлмөлү ветеринардык посту уюштуруп кароол канага үй салуу үчүн ошондой эле келген малдарды, эсептеп киргизүү үчүн айыл Кеңешинин депутаттары төмөнкүдөй токтом кылат.
	ТОКТОМ КЫЛАТ:
- Н.Исанов атындагы айылдык Кеңешинин аймагына караштуу Кожоке айылындагы Кошчан капчыгайынын киреберишиндеги Кошчан дарыясынын боюндагы А.Чынкараев атындагы балдар эс алуучу лагерине киреберишиндеги жолдун оң жагындагы айыл өкмөтүнүн муниципалдык менчигинде турган өрүк бактын узун, турасын 4х7 метр болгон жерге 2-бөлмөлү үй салып, ветеринардык посту уюштуруу жагы айыл өкмөтүнө милдеттендирилсин. -Ушул токтомдун аткарылышын көзөмөлдөп иш алып баруу жагын айыл чарбасынын туруктуу комиссиясына тапшырылсын.
Н. Исанов атындагы айыл Кеңешинин төрагасы:			Ж Нурмаматов
			Назад