М А З М У Н У
№ п/п	Токтом №	Токтом датасы	Кыска мазмуну
1.	1	19.12.2017	"Бел" айыл өкмөтүнүн 2017-жылдагы айылдык бюджетинин аткарылышы, 2018-жылга айылдык бюджети жана 2019-2020-жылдарга бюджеттин болжолун бекитүү жөнүндө"
2.	2	19.12.2017	Айыл аймагындагы үлүштүк жана кайрак жер жерлерден алынуучу жер салыгынын ченин көтөрүү жөнүндө
3.	3	19.12.2017	Бел айыл аймагындагы кожолуктарга жер салыгынан женилдик берүү жөнүндө
4.	4	19.12.2017	Бел айыл өкмөтүнүң типтүү регламентин бекитүү жөнүндө
5.	5	19.12.2017	Айыл аймагындагы таза суу линияларын,суу чорголорун жана суу топтоочу кампаларын убактылуу айыл өкмөтүнүн баланссасына алуу жөнүндө.

1
Бел айылдык Кенешинин VI чакырылышынын кезектеги 8 сессиясы
Т О К Т О М
Бел айылы		1	19.12.2017
			"Бел" айыл өкмөтүнүн 2017-жылдагы айылдык бюджетинин аткарылышы, 2018-жылга айылдык бюджети жана 2019-2020-жылдарга бюджеттин болжолун бекитүү жөнүндө"
Бел айыл өкмөтүнүн 2016-жылга айылдык бюджетинин аткарылышы, 2018-жылга каралган айылдык бюджети жана 2019-2020-жылдарга болжолун бекитүү жөнүндөгү маселени "Кыргыз Республикасынын 2018-жылга республикалык бюджети жана 2019-2020-жылдарга болжолу жөнүндөгү" Мыйзамынын негизинде иштелип чыгылган Долбоор тиешелүү мекеме-ишканалардын жетекчилеринин катышуусунда депутаттардын Бел айылдык кеңешинин "Экономика, бюджет, соода жана ишкердүүлүк" боюнча туруктуу комиссиясы тарабынан каралып чыгылган. Кыргыз Республикасынын "Жергиликтүү өз алдынча башкаруу жана жергиликтүү мамлекеттик администрациялар жөнүндөгү" Мыйзамынын 27-статьясынын 5 пунктуна ылайык депутаттардын Бел Кенеши
	ТОКТОМ КЫЛАТ:
1. 2018-жылга 12509,2 айыл окмотунун айылдык бюджетинин кирешелери жана чыгашалары 12509,2 мин сом өлчөмүндө бекитилсин. 2. 2018-жылга айылдык бюджеттин кирешелерин түзүүчү булактары жана чыгалашары боюнча багыттар № 1 тиркемеге ылайык аныкталсын. Айылдык бюджеттин чыгаша бөлүгү 2018-жылга түшкөн кирешелердин жана гранттардын чегинде, ошону менен бирге биринчи кезекте корголгон беренелер боюнча (эмгек акы, соц. фондко чегерүү, тамак-аш жана коммуналдык кызматтарга) каржылануусу белгиленсин. 3.Бел айыл өкмөтүнүн 2019-2020-жылдарга айылдык бюджетинин болжолунун негизги көрсөткүчтөр № 2,3 тиркемеге ылайык колдоого алынсын. Кирешенин болжолу 2019-жылга 6184,1 мин сомго (республикалык бюджеттен алынуучу гранттар 6312,3 мин сом менен) жана 2020-жылга 6385,1 мин сомго (республикалык бюджеттен алынуучу гранттар 5959,5 мин сом менен) белгиленсин. Бел айыл өкмөтүнүн 2019-2020-жылдарга айылдык бюджетинин негизги көрсөткүчтүү болжолу жактырылсын, аларды ар бир конкреттүү мезгилде кабыл алууда тактоо жүргүзүү жагы белгиленет. 4. Атайын каражаттардын кирешесинин сметада бекитилген өлчөмүнүн ашыкча бөлүгү толугу менен айылдык бюджеттик мекеменин каржылоосуна калары аныкталсын. Айылдык бюджеттик мекемелери казыналыктын регионалдык бөлүмдөрүнөн тышкары, мекеменин кассасы аркылуу атайын каражаттарын чыгымдоого тыюу салынсын. Атайын каражаттар казыналыктан тышкары (бюджеттик мекемелердин кассасы аркылуу) чыгымдалган учурда Кыргыз Республикасынын "Кыргыз Республикасынын 2018-жылга республикалык бюджети 2019-2020-жылдарга болжолу жөнүндөгү Мыйзамынын 14-беренесинин 2- пунктуна ылайык бул каражаттын 100 пайыз республикалык бюджетке алынып коюлары эскертилсин. 6.2018-жылдын 1-январына айылдык бюджетти боюнча жүгүртүлүүчү кассалык накталай акча 120,0 мин сом суммасында белгиленсин. 7. Айыл өкмөтүнүн башчысы төмөнкүлөргө укуктуу: - Ушул токтомдун 1-беренесинде бекитилген суммалардын чегинде, эгер бул айылдык бюджеттин киреше бөлүгүн азайтууга алып келбесе ушул токтомдун тиркемелерине өзгөртүлөөрдү киргизүү; - ченемдик укуктук актылардын өзгөрүүсүнүн негизинде жыл ичинде тактоолорду жүргүзүү - киреше бөлүгүнүн белгиленген пландан ашыкча түшкөн каражаттын эсебинен чыгаша бөлүгүнөн өлчөмүн көбөйтүү жагын кароо; 8. 2018-жылда айылдык бюджеттин киреше бөлүгүнүн пландарынан ашыкча аткарылышынан түшкөн каражаттарды бөлүштүрүү жана өзгөртүү киргизүү айылдык Кенешке ыйгарылсын. 9. Жергиликтүү бюджеттик мекеме-ишканалардын финансалык - экономикалык негиздерин чындоо, алардын финансалык мамлекеттик каражаттарды максаттуу, сарамжалдуу пайдалануусун камсыз кылуу жагы айыл өкмөтүнүн жана финансы-экономикалык бөлүмүнүн башчысы тарабынан көзөмөлгө алынсын. 10. Ноокат районунун 2016-жылдагы айылдые бюджеттин киреше бөлүгү 10180,2 мин сомго, чыгаша бөлүгү 11486,5 мин сомго же кирешенин чыгашадан 1306,3 мин сомго артыкчылыгы менен аткарылгандыгы № 4,5 тиркемеге ылайык белгиленсин. 11. Бул токтомдун аткарылышына көзөмөлдүк кылуу жагы депутаттардын Бел айылдык Кенешинин "Экономика, бюджет, соода жана ишкердүүлүк боюнча" туруктуу комиссиясына тапшырылсын.
Бел айылдык Кенешинин төрагасы			Сулайманов.Ш.Ж
ТИРКЕМЕ №1			Назад

2
Бел айылдык Кенешинин VI чакырылышынын кезектеги 8 сессиясы
Т О К Т О М
Бел айылы		2	19.12.2017
			Айыл аймагындагы үлүштүк жана кайрак жер жерлерден алынуучу жер салыгынын ченин көтөрүү жөнүндө
Бел айыл өкмөтү Кыргыз Республикасынын Президентинин " Айыл чарба жерлеринен алынуучу жер салыгынын ченин (ставкасын) көтөрүү боюнча " Жарлыгын аткаруу максатында азыркы күндө айыл чарба жерлеринин балбанитеттерин аныктоо боюнча тийиштүү иштердин жүргузүп жаткандыгын эске алып, Бел айылдык Кенешинин (алтынчы чакырылышынын) кезектеги сегизинчи сессиясы Кыргыз Республикасынын Салык Кодекси жана "Жер салыгынын базалык чендер жөнундөгү" укуктук актыларынын негизинде
	ТОКТОМ КЫЛАТ:
1. Кыргыз Республикасынын Президентинин " Айыл чарба жерлеринен алынуучу жер салыгынын ченин (ставкасын )2-3 эсеге көтөрүү боюнча" Жарлыгы аткарууга алынсын. 2. Айыл чарба жерлеринен алынуучу жер салыгынын ставкасы 2018-жылга 50 пайызга көтөрүлсүн. 3. Ушул токтомдун аткарылышын көзөмөлдөө айыл чарба ,өнөр жай, жер жана жер маселелери боюнча туруктуу комиссиясына тапшырылсын.
Бел айылдык Кенешинин төрагасы			Сулайманов.Ш.Ж
			Назад

3
Бел айылдык Кенешинин VI чакырылышынын кезектеги 8 сессиясы
Т О К Т О М
Бел айылы		3	19.12.2017
			Бел айыл аймагындагы кожолуктарга жер салыгынан женилдик берүү жөнүндө
Жер салыгынан женилдик алуучу атуулдардын тизмелерин угуп жана талкуулап депутаттардын Бел айылдык Кенешинин ( алтынчы чакырылышынын) кезектеги сегизинчи сессиясы
	ТОКТОМ КЫЛАТ:
1. Бел айыл өкмөтүнүн чарбалык китебине катталган кожолуктун саны 2236 кожолук,жери бар үй салынбаган кожолуктардын саны 468 кожолук, баардыгы болуп 2704 кожолуктун ичинен _ Пенсионерлер - 536 кожолук Көп балалуулар - 110 кожолук Афган,Чернобль кырсыгынын катышуучулары- 15 кожолук Эмгек майыптары - 59 кожолук жер салыгынан бошотулсун. 2. Бул токтомдун аткарылышына көзөмөлдүк кылуу жагы депутаттардын Бел айылдык Кенешинин "Экономика, бюджет, соода жана ишкердүүлүк боюнча" туруктуу комиссиясына тапшырылсын.
Бел айылдык Кенешинин төрагасы			Сулайманов.Ш.Ж
			Назад

4
Бел айылдык Кенешинин VI чакырылышынын кезектеги 8 сессиясы
Т О К Т О М
Бел айылы		4	19.12.2017
			Бел айыл өкмөтүнүң типтүү регламентин бекитүү жөнүндө
Кыргыз Республткасына караштуу жергиликтүү өз алдынча башкаруу жана этностор аралыфк мамилелер боюнча мамлекеттик агентигинин 2017-жылдын 21-ноябрындагы №01-10/156 сандуу буйругунун негизинде Бел айылдык Кенешинин (алтынчы чакырылышынын) кезектеги сегизинчи сессиясы
	ТОКТОМ КЫЛАТ:
1. Бел айыл өкмөтүнүн регламенти бекитилсин. 2. Токтомдун аткарылышын камсыз кылуу айыл өкмөтүнүн кызматкерлерине тапшырылсын. 3. Токтомдун аткрылышын көзөмөлдөө айыл өкмөтүнүн башчысы Казначиев Калмамат Абдуллаевичке жуктөлсүн.
Бел айылдык Кенешинин төрагасы			Сулайманов.Ш.Ж
			Назад

5
Бел айылдык Кенешинин VI чакырылышынын кезектеги 8 сессиясы
Т О К Т О М
Бел айылы		5	19.12.2017
			Айыл аймагындагы таза суу линияларын,суу чорголорун жана суу топтоочу кампаларын убактылуу айыл өкмөтүнүн баланссасына алуу жөнүндө.
Айыл аймагындагы таза суу проектиси айыл өкмөтүнүн баланссасына алынган эмес. Ошондуктан ондоп түзөө иштерине айыл өкмөтүнүн бюджетинен акча каражаты бөлүнүп берилбейт. Борбаш айылында 76 суу чыгаруучу чорго болсо,анын ичинен 30 чоргосу жеке үйлөргө киргизилген,23 чоргодон суу чыкпайт. Бел айылында 53 суу чоргосу болсо,16 си жеке үйлөргө киргизилген.35 суу чоргосунан суу чыкпаган болсо азыркы учурда толугу менен эле чыкпай жатат.Суу кампалары насостору бузулгандыктан толук иштебейт. Айыл өкмөттүн эсебинде болбогондуктан,акча каражаттарын бөлүп берүүгө мүмкүнчүлүк болбой жатат.Калкты таза суу менен камсыз кылууну колго алуу максатында Бел айылдык Кенешинин ( алтынчы чакырылышынын) кезектеги сегизинчи сессиясы
	ТОКТОМ КЫЛАТ:
1. Айыл калкын таза суу менен камсыз кылуу үчүн айыл аймагындагы таза суу линиялары,суу топточу кампалары,суу чорголору убактылуу айыл өкмөттүн баланссасына алынсын. 2. Калкты таза суу менен камсыз кылууну жөнгө салуу үчүн ремонт иштерине тиешелүү акча каражаттарын бөлүп берүү айыл өкмөтүнүн финансы-экономика бөлүмүнүнүн башчысы Шамши уулу Мелисбекке жуктөлсүн. 3. Суу трубаларын өз алдынча тешип,уруксаты жок үйлөрүнө киргизип алган жарандарга мыйзам чегинде катуу чара көрүлсүн. 4. Таза суу линиялары жетпеген жерлерге суу жеткирүү боюнча демөөрчүлөр,эл аралык уюмдар менен тыгыз иш алып баруу жагы айыл өкмөтүнө милдеттендирилсин. 5. Токтомдун аткарылышын көзөмөлдөө айылдык кенештин саламаттыкты сактоо боюнча туруктуу комиссиясына тапшырылсын.
Бел айылдык Кенешинин төрагасы			Сулайманов.Ш.Ж
			Назад